笑到最後｜從老千股派貨到霸權股（高明）
笑到最後｜從老千股派貨到霸權股（高明）
人類發展，都係大佬carry住，細嘅先可以追上，企業層面就有蘋果。
最近市場上出現一啲聲音討論老千股、幫莊家散貨之類。
股市最初嘅設計，就係散貨畀大眾，集一嚿唔使還嘅錢，或者更直接，股東想exit，所以賣啲
股份畀大家。股票上市為咗集資，只係一個官方說法，唔通真係同你講我想exit所以上市咩？
美股、外匯、加密貨幣免費即時報價，自選投資組合獲取相關新聞提示。
大部份人都講得出「財演咁勁唔使講股票賺錢」，很好，民智稍為開咗，但同一邏輯，點解又推演唔到：「間公司咁賺錢，唔使上市/一早私有化啦，使乜畀你一齊賺」。講唔出第二句，係因為內心心存僥倖，覺得自己買呢類股票，有獨到嘅睇法，識得睇「盤路」同「花紙」，可以喺莊家口入面搵到塊肉。
大部份打算買股票財富增值至到發達嘅人，本身都係想不勞而獲，人哋創業我享福，付出股票溢價，買齊貨然後升。99.99%嘅人最終唔會成為股票莊家，但又想輕鬆發達，揀啱個場，比起揀啱隻股更重要。
未來三個市場有作為
重申一次，未來投資只有三個場係實際有作為嘅市場：分別係：美股、住宅樓市、加密貨幣。原因講過，唔重複。
訊息同市場區域已被打破，高明好懷疑上面嗰班人，點解仲要喺港股呢種半天吊市場浪費生命爭論？人類發展，都係大佬carry住，細嘅先可以追上，打籃球有Michael Jordan帶住成隊公牛，踢波有美斯C朗，企業有微軟（MSFT）蘋果（AAPL），加密貨幣有Bitcoin，股市就係大型指數股帶住，下面啲股仔先炒得起。
港股連基本指數上升都做唔到，搵十隻見得大場面嘅大藍籌都窄窄哋，喺呢個市場買細價股，賠率等於賭英甲錫周三旗下一個球員做今年英超MVP一樣。
至於買美股，將莊家論推到極限，所有股票都係呃人，美股霸權股都係「散貨」，但霸權股勁到現實剝削緊大家，例如大家部手機以及入面嘅所有嘢，買股票提供一個窗口一齊剝削。全世界由聯儲局印鈔「派貨」開始，成為一個共業，打唔贏就加入霸權，一齊剝削補返條數，等於「跑贏共業」。
最近美股霸權股已經升返曬，你手頭上啲莊家股點樣？如果你隻莊家股長線升得勁過蘋果，一早大家叫佢股王啦。奉勸上面浪費生命嘅各門各派，回頭是岸，同我哋一齊，放棄港股，投奔美股。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com
