士佳說 - 張士佳 2022年5月20日
【#士佳說 】張士佳：逢低彈番上
【#士佳說 】張士佳：逢低彈番上
尋日話睇港股是否能強於外圍，考驗支持，學生投票又係近7成陰燭，結果曾經比與開市高，大把水位食糊，最後做枝25點燭身嘅陽燭，絕對收貨，睇道指跌成千點，港股仲喺兩萬點，而且暫時支持位一個高於一個，對上一個喺196xx。
尋晚美股納指反彈少少，夜期就立馬加強支持反彈力，其實主要又系政策做後盾，市場預期內地將減LPR存款利率，將有利內銀股減輕負債，從而加大對社會信貸的支持，以撑經濟。
尋日逆市率先做到陽燭的大股有#1211比亞迪，開市已是全日最低，再拉番10蚊上去，短期仍比大市強，回一回再突破就可加關注，有政策補貼出面配合，細細架的#305五菱汽車續強。美團逆市亦顯抗跌力，但正是跌一跌逢低買牛走即日之選。
香港寬頻#1310再升最多5%，星期二寫佢同阿里雲協議合作做數碼寬頻大灣區的業務發展，5日升左18%。今日再有傳消息有私募基金想買佢，就未知真確成唔成事，但係連日來已出最好消息，長上影一日又比一日長，有買係時候食一食，等回一回到 250天線試支持再升穿先買過，近日通訊設備5G市場是資金關注焦點。咁又唔係隻隻股出利好都有得炒，山東新華製藥#719前景不錯，A股差不多日日漲停，奇怪地H股之前急炒一轉後，就chok跌兩成，高追左又走吾切，尋日終於有個好啲嘅反彈，睇今日仲有冇力，如有7蚊附近，或幾日都唔行走左佢先，搵過第二隻。
港股#1623 海隆都跟得幾足， 上星期因為chok得勁趁高有食大部份，近日又再chok出趨勢，出了系列能量Lego準備，今日要昅實，但係大家注碼控制，波幅實在太大。
先前買多咗貨，有捱有賺，算是買個機會，博港股自身的支持力，逐步走出路徑，今日大市高開，希望不要虎頭蛇尾。
士佳說 - 張士佳 舊文
本文作轉載及備份之用 來源 source: http://skycheung.weebly.com
