平民投資教室 - 錢俊 2022年8月30日
【平民投資教室】錢俊：股市短線調整定尋底?睇兩個因素
平民投資教室
日期：2022-08-30
更新時間：10:40:32
上周港股後勁淩厲，恆指全周升近600點。但美市周五喺聯儲局主席鮑威爾講話後暴跌，返回 季初升市前水平。到底兩市將經歷短線調整還是繼續尋底?錢俊認為港美各受一個因素主 宰。
美國方面，通脹決定一切。過去一個月嘅通脹數字稍有回落，股市已經覺得加息步伐或會減慢 ，甚至下年就會開始減息。然而，畢竟只係單月數字，到底未來幾個月係咪真係繼續回落，大 家都係靠估。一年前無論係聯儲局定多間大行都認為通脹上升只係暫時性，結果今年跌曬眼 鏡。所以市場嘅預測甚至聯儲局講話，大家都係當聽人吹嚇水就算，反而值得觀察通脹數字係 唔係連續幾個月回落。如果下降幅度又大又急，就可預期加息將見頂，股市陰霾可望消除。
至於中港，通脹反而唔係重點，內地減息機會反而仲大。最大因素一定係疫情清零政策幾時會 改變。政策一日維持，唔好話旅遊出口嗰啲受影響，只要突然某區又爆疫情，淨係不同省份同 城市斷斷續續封區強檢幾日，好似尋日咁深圳又要管控，內循環經濟都睇怕會清零。同時企業 都好難投資進行重大業務計劃，市民都好難作出更多消費，經濟就好難有大起色，各大公司盈 利就更加唔洗講。
現階段睇美國通脹同中國清零兩項因素喺未來幾個月迅速轉向機會較細，相信兩市喺短期內 再面對負面消息時，似乎都會再chok過。
BTAL:市場中性就唔洗理市況好醜 上次介紹咗美市入面以收購合併為投資策略嘅ETF，今次再講多一隻。同樣係對沖基金系列，
AGFiQ US Market Neutral Anti-Beta Fund(US:BTAL)就玩市場中性策略。
所謂市場中性(Market Neutral)，就係以投資一項資產，再沽空另一個相似嘅資產，喺兩個資產 中輕微唔同走勢之間獲利。打個比如，若果你認為短期內，匯控股價表現會比渣打好，你就買 匯控同時沽空相同金額嘅渣打股票。同樣係英資銀行板塊，股價多數齊上齊落。一買一賣下， 無論升市定跌市都無關係，只要最終匯控股價真係跑嬴渣打，就可以從差額中賺錢。
市場中性策略好處係唔理市況好醜，只要揀啱股票入貨同沽空就嬴。因此喺市差時可有效地 平衡自己投資組合。BTAL年初至今已賺9.7%，係除咗資源類同反向基金以外少有正數回報嘅 投資。以往呢類對沖基金要有私人銀行戶口先有機會買到，依家透過ETF市場就開放到俾一 般投資者。
當然市場中性有辣有唔辣。一般情況下呢類基金回報都唔會話好高，畢竟同類型公司之間股 價分野一般唔大。其次，基金需要沽空或以槓桿放大回報，成本唔低。BTAL開支比率達2.5%， ETF中係十分昂貴。加上基金經理揀啱股就神仙，揀錯即乞衣。BTAL過去三年回報為負19.3% ，大幅跑輸大部份資產。因此長揸實屬不智。
想聽其他投資Topic?話我知:chinjun.column@gmail.com FB: chinjun.etf
IG: chinjun.column 以上觀點僅為個人分析，並不構成任何投資建議。
平民投資教室 - 錢俊 舊文
本文作轉載及備份之用 來源 source: http://hksmedia.com
