中環在線：置業18逆市揼水搶人 - 李華華
波叔(中)心口有個勇字，無懼靜市，認為危中有機，請人外仲會開多10間分行。資料圖片
近排樓市交投淡靜，唔少地產代理行已經捱唔住執笠。中型行置業18就反其道而行，人哋裁員，佢就挖角，為咗吸引行內精英加盟，新設高達5000蚊一手開單獎金，員工介紹朋友入職，又多1000蚊獎金。
年內再請100人
華華噚日搵過置業18老闆「波叔」張肇栓，問佢呢排個市咁鬼靜，做乜無情白事請人？唔係應該開源節流咩？波叔就話，個市雖然係靜，但靜市先至係中小型代理嘅發圍好機會，因為旺市時幾間大行都不斷搶舖、搶人，搶到啲舖租貴到死。家大行唔搶住，仲要cut人，佢哋先至有機會。波叔深明危中有機嘅道理，置業18計劃年內請多100人，再開多10間分行，間接支持就業市場。
除咗置業18，中原挖角都有新招，據講中原跑馬地經紀若成功介紹任何現職利嘉閣、美聯或者香港置業嘅代理加盟，做滿三個月，介紹人就有萬五蚊獎金！
上一則: 撐聯滙！！！撐CY？？？任總思歪了 - 李華華
下一則: 中環在線：正通COO預告「重大決定」 - 李華華
中環在線 - 李華華 舊文
