中環在線：馬仔帶挈網民免費打機 - 李華華
Call of Duty勁多人玩，今次內地網民可以免費玩，真係多得馬家公子喇。資料圖片
你信命運在你手？不過內地科網公司老闆，只會話「命運在馬化騰手」。原來內地業內有種講法，話網企前途只有兩個可能，一係等執笠，一係等騰訊(700)收購。馬化騰喺新加坡接受訪問時，就話唔認同呢種講法，認為只係以訛傳訛，講得誇張。不過華華有眼見，對手有創新？騰訊即刻跟。QQ(ICQ)、騰訊微博(Twitter)、猜猜看(Draw Something)，玩法似到足；騰訊財雄勢大，中小型網企點夠你打？馬化騰仲話最重要係做大個餅，等多啲人分餅食，真係多謝曬。
囝囝想要，便買了
從另一個角度講，網民亦算係呢個餅嘅得益者。騰訊最近成功拎到機迷心目中王牌射擊遊戲Call of Duty內地獨家代理，內地版Call of Duty唔只係免費，仲係專為內地全新設計，相信推出後，好多Game迷都會感激馬化騰。不過隻Game可以落戶神州，原來因為馬化騰同佢6歲大嘅囝囝都係隻Game嘅粉絲！再次證明，互聯網世界命運真係喺馬化騰手，佢想要，便買了。
上一則: 地署例行公事「增值」高官僭建等天收 - 李華華
下一則: 中環在線：文雋買溱岸唔理有牌與否 - 李華華
中環在線 - 李華華 舊文
