投資的天空：好友主導市底強 - 張士佳
前晚美股休市，缺乏外圍因素帶動下，港股昨日開市時亦欠缺方向，然而內地股市走弱，一度令大市回調至19600點水平。不過現時形勢似乎盡在好友一邊，早上的回調只是淡友的零星反擊，又或者只係好友請君入甕。到午市當A股仍在尋底時，期指已唔願再跌，之後更衝破前日高位。從指數而言，市底頗為強勁。
不過以個股表現看，市況又唔係真係咁一面倒。由前日開始已經見到市場有追落後的現象，弱勢板塊如水泥、航運，甚至長期在低位徘徊的風電股都有不俗反彈，而一堆基本因素欠奉的細價股，亦輪流炒上。始終過去半年，市場由強者越強，弱者越弱局面主導，醜股大翻身往往係市場轉角之時，因此點都有些少戒心。當然，筆者暫時唔係睇淡，手上仍然以好倉為主。只係當大市已由低位反彈不少，始見多人唱好，兼且醜股反彈，都要提醒大家，同時亦提醒自己，做倉時不能過份勇進，反而要加倍留神，注意市況是否有轉淡的痕迹。
組合方面，現時持倉水平不高，由於見市況尚算不俗，所以都會考慮加倉。如上述所言，今年市場都係強者越強，所以會繼續揀強勢股，今天會以2.7元或以下買入10萬股舜宇光學(2382)。
筆者客戶持有舜宇光學
張士佳
寶來證券(香港)資產管理部董事
與曾卓鋒(寶來證券業務經理)聯合執筆(逢周三、五刊出)
上一則: 青心直說：入市前先問自己 - 胡孟青
下一則: 外幣兌港元
投資的天空 - 張士佳 舊文
