中環在線：連鎖時裝店促消員工 - 李華華
內地消費力有轉弱跡象，就連財爺曾俊華都話，7月份零售數據令佢非常擔心，華華相信，零售業老闆更加腳軟。君不見好多時裝店提早或拉長減價促銷期？新近聽聞有間上市?連鎖時裝店醞釀裁員，老闆落?柯打叫各部門「交人」，搞到內部人心惶惶！
醞釀裁員?呢間連鎖時裝店，好受潮人同年輕人歡迎，前線同後勤?工作量多到喊，大家都以為公司生意好好，點知老闆最近毫無先兆突然要求各後勤部門削減人手，交出裁員名單，前線銷售?情況亦唔樂觀。
折扣越做越有
老實講，作為消費者，今年行街shopping真係好爽，事關好多大牌子?連鎖時裝店好早減價，越減越平，仲要有碼、有新貨，真係買得好爽，好易滿載而歸。踏入9月，大部份連鎖店都轉?秋冬新裝，但由於天氣依然好熱，加上唔知會唔會又提早減價，華華唔使走在潮流尖端，一於等嚇先，唔會咁快入市。
之但係，如果人人都係咁諗，內地人又少?幫襯，零售商真係幾頭痕。查實好多零售股都控制緊成本，達芙妮(210)上月底就傳出內地炒300人，搞到股價?曬，之後又爆出公司以低價策略迫走加盟商，自己人打自己人。唔通零售業寒冬已經靜悄悄來臨？
李華華
mailto:LiWaWa@AppleDaily.com
上一則: 四太澳娛股息捐贈賭王基金
下一則: 中環在線：鄧聲興原來是BAPE粉 - 李華華
中環在線 - 李華華 舊文
