中環在線：鬼祟兼核突鈞濠避傳媒垃圾袋封門 - 李華華
■主席馬學綿走唔出傳媒手指罅，一臉厭惡。梁志永攝
即使商交所主席張震遠，被傳媒撞破佢同前債主詹培忠?寫字樓講數，都冇人會狼狽到?黑色垃圾膠袋?遮掩?，偏偏停牌超過四年?鈞濠集團(115)，成班高層就極怕見光，開股東會之嘛，竟然搵人用垃圾膠袋封住寫字樓玻璃門。話曬係一間上市公司，有乜咁唔見得光？
鈞濠自2009年三月停牌至今，前主席曾煒麟夫婦，2002至03年間訛稱投資重慶燃氣管道項目，以虛假交易詐騙公司股東同港交所(388)，因而被判入獄。
鈞濠噚日?灣仔一商廈寫字樓開股東會，之前有小股東聲稱要踩場討回公道，呢?咁火爆?場面，傳媒當然被拒諸門外。主席馬學綿開完會離開亦不發一言，專心等電梯離開，一見電梯門打開，佢急急腳走入去，點知電梯唔鬱兼響鐘，佢惟有走番出?，為避傳媒走入同層另一個寫字樓避難。
傳媒有理冇理隔住玻璃門影佢?入面做乜，有人就即刻搵人用幾個黑色垃圾膠袋封住玻璃門，狼狽不堪。
內部分兩派勢均力敵
據講，鈞濠內部家陣大致分成兩派，第一派由大股東香港中興為代表，另一派就以前主席曾煒麟夫婦為首。咁?噚日開會所有議案，都係51%對49%通過，可知兩派幾咁勢均力敵。查實呢類上市公司內部權鬥時有發生，真係唔使用垃圾膠袋遮實咁神秘喎。
李華華
mailto:LiWaWa@AppleDaily.com
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
上一則: 星洲碼頭去年搶頭啖湯
下一則: 中環在線：友川執位新主席瓣瓣精？ - 李華華
中環在線 - 李華華 舊文
