實戰理論：百佳新買家實蝕底 - 沈振盈
■接手百佳的買家，在經營上一定會較和黃輸蝕。資料圖片
大市仍然是悶局，上周末全無消息，成交再縮到385億元，點搞？似乎結算前港股仍是反覆格局，就算要上，可能也只會去到21800至22000點水平附近。
和黃(013)賣百佳事件，對和黃股價沒有大影響，更有大行指出，其估值10億至20億美元是低估了價值。估值問題，真是見仁見智，佢用牛奶公司作比較，大前提似乎已搞錯，因為牛奶公司業務，除惠康外，尚有美心及其他產品，規模及毛利率皆不同，如何可直接比較？
仔細再諗嚇呢單交易，如果百佳要找買家，也絕不容易。原因並非價錢的高低，而是接手的買家在經營上，一定會較和黃蝕底。現時大部份長和系的屋苑，皆只有百佳而沒有惠康，這亦是和黃經營百佳的絕對優勢。若新買家接手後，情況就截然不同，起碼在傾新租約時，會頗被動。而長實(001)及和黃一定會利用惠康去抬高租金。
恒指隨時挾淡倉
猶記得20年前，大家樂(341)及大快活(052)於中環幹諾道中各有一間分店，其中一間租約先到期，對手於是高租金搶舖，而被搶的又以更貴租搶走對手原本舖位。結果兩間互換，但租金就無端端較市場價貴唔少。商業社會總有人漏夜趕科場，當年怡和置地遷冊，造就了今日的華資企業集團。所謂「舊?唔去，新?點?」，大家不用將出售百佳事件無限放大，這只是一單普通的商業交易而已。
回說大市，恒指能夠收於21400樓上，淡友應該要小心，因為21400 call的未平倉合約最多，若今日指數能企穩其上，配合死亡交叉的驚嚇，就隨時會挾淡倉。
沈振盈
證監會持牌人士
倪匡、蔡瀾同肥佬黎約埋一齊《亂?24》，你睇?未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 曾淵滄專欄：潤電案有渾水手影 - 曾淵滄
下一則: 財智語陸：民行壞賬毋須太驚 - 陳永陸
實戰理論 - 沈振盈 舊文
