曹仁超：港股睇23900
曹Sir牛氣預言：港股升多二千點
【本報訊】中國高增長集團首席經濟學家曹仁超(曹sir)唱好牛市未完，直指潛在升幅仍有近2000點。正當一眾散戶昨在大升市下猶豫不決，縱橫股壇40年的曹sir昨分析指，大市自09年至今均未脫離牛市，目前調整或已完成，並重拾升勢的階段，預料後市可以「W」形一浪高於一浪，「二萬二或者有阻力，但唔代表牛市完結……最大可能性呢一鋪係高過23900點」。
記者：林靜高明輝
港股昨突然擺脫悶局狂彈近500點，恒指昨重上俗稱牛熊線的250日線，曹sir昨日接受本報記者電話訪問時表示，雖然牛熊線失而復得，但實際上牛市不是一條牛熊線定奪得失，「呢個世界唔係咁簡單?」。以他的準則，是當大市低過牛熊線15%以上，熊市便可能完結；而當高過牛熊線20%或以上，牛市便有機會轉向，「除非跌破?18000點，先可以代表牛市完結。」
■曹仁超表示，港股近期已完成中期調整。
目前反彈僅屬第一浪
曹sir相信，港股近期已完成中期調整，接下來是「W」形的反彈，目前只是第一浪，「估短期頂?邊，嚴格?講係冇意思」，惟按圖看「最少要彈兩次」，更可高於2月時高位，意味可望升抵23900點。他又認為，美國經濟強勢至少維持至明年，且其領導環球的角色未變，香港始終可以受惠；中國因素只是拖累本地升幅略遜外圍，但不代表港股會逆向造淡。
陳永陸：有機會七翻身
另外，獨立股評人陳永陸昨日亦表示，雖然不排除昨日升市部份由挾淡倉盤推動，但是相信內地經濟陰霾稍為消除後，A股後市大有機會繼續上升，推動港股後市可上望23200點水平，「七翻身係有機會?」。
不過，法巴投資管理大中華區高級策略師羅念慈則認為，雖然國務院總理李克強的「7%底線論」令市場不再擔心內地硬著陸，昨日大市升幅亦合理，但卻憂慮刺激作用僅為短暫，再過一兩日，市場反映有關消息後，便不會有特別正面反應，長線要有其他利好消息才可以刺激股市上升。
散戶審慎齋坐少買貨
雖然專家對短線看法傾向樂觀，但大市牛皮多時後突然爆上，散戶對後市仍半信半疑，入市態度審慎，若以相反理論看，短線大市仍有上升空間。
本報記者到訪中環兩間證券行，發現散戶坐的多、買的少，部份更趁反彈沽貨獲利，有人更反問記者點睇大市。以炒波幅為主的散戶苗先生指，雖然5、6月一度坐艇，但今日已開始掉頭賺錢，所以已分段沽出第一批貨，並等待機會沽出餘下兩批，惟其他散戶則對升市存疑。
事實上，有經紀昨日亦指出，八成客戶都錯過6月底以來的升浪，昨縱見客戶買貨，「但有?只係為溝貨，主要係買內銀多」。另一經紀亦表示，多數客戶仍?「貴貨」，即使有人想追，但見開市已升數百點後，又開始心大心細。
【經紀散戶心聲】
【先贏一注】
散戶苗先生：之前一路都係炒波幅，雖然5、6月時一度坐艇，但都守住，現在已經開始有錢賺番，所以分三注，先沽一注獲利，但覺得好多股民都對呢個升浪有猶豫。
【溝貨為主】
經紀林小姐：雖然只有約一、兩成客可以食到呢個月?反彈浪，但企穩二萬點後，?客?心都定?少少，有人沽貨獲利，都有人買貨，不過主要係買內銀「溝貨」多。
倪匡、蔡瀾同肥佬黎約埋一齊《亂?24》，你睇?未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 國策解碼：保七太美好市場不相信
下一則: 狂挾淡倉乾升498點
曹仁超 舊文
