中環在線：TVB夥文傳搞遊戲Apps殼王快閃撐場 - 李華華
【靚女過檔】
■殼王(右)隔籬再隔籬坐?位靚女，熟口熟面，原來係耀才(1428)財經台前主播王卉霖(Anita)，佢曾參選港姐，兩、三個月前離開耀才，轉投一間投資公司，聽聞呢間投資公司?老闆同殼王相熟?。
電視廣播(511，TVB)大股東「殼王」陳國強撮合旗下TVB.COM同文化傳信(343)？兩間公司噚日開記招宣佈，合作搞手機遊戲Apps，殼王竟然沉默地現身撐場，可惜佢逗留20分鐘就快閃。
殼王現身當然有原因，佢除?係TVB大股東，舊年佢增持文傳，因而披露佢都係文傳股東，持有約5%。據聞，殼王同文傳大股東李柏思係老友，因而入股；而TVB就?一年前開始，計劃搞手機遊戲Apps，兩間公司自然一拍即合。
宣佈合作咁大件事，殼王點都要現身支持啦，仲係神秘現身，預先冇通知傳媒，大家都係去到先知。不過，佢就遲到10分鐘左右，一到場只係靜靜咁坐?台下前排嘉賓席，司儀識做冇介紹佢，殼王坐?20分鐘就起身走人。對於傳媒追訪，佢只係叫人問番TVB總經理李寶安。
《衝II》做頭炮年尾先玩得
至於個手機Apps，咪又係同近期熱爆劇集《衝上雲霄II》有關囉，首個遊戲以呢套劇為題材，最快第四季有得玩。
唔係?，第四季先有得玩，到時套劇播完，過曬廟啦，遲唔遲?呀？TVB.COM營運總裁黃志軒竟然話，《衝上雲霄II》事隔十年先推出，劇迷應該唔介意等多幾個月去玩遊戲喎，實情咪係個遊戲程式未搞掂囉。
李華華
mailto:LiWaWa@AppleDaily.com
■今年2月Anita仲傍住郭思治(右)效力耀才，轉眼間已另謀高就。
【動主播召喚 敢你就來】
立即報名：http://anchor.nextmedia.com
上一則: 上實盼基建規模達500億
下一則: 中環在線：李嘉士做獨董思捷邀猛將入局 - 李華華
中環在線 - 李華華 舊文
