中環在線：一反常態陳啟宗唔敢盲撐CY - 李華華
陳啟宗金句：香港大把大鱷
恒隆地產(101)主席陳啟宗一直盲撐CY，就算佢民望幾低，佢都話CY係最好?，早排又幫人鬧財爺曾俊華係大罪人；CY愛將發展局局長陳茂波最新爆出囤地風波，同姓三分親，陳啟宗照理應該盲撐埋陳茂波啦，點知陳啟宗選擇封嘴喎。
■分析員估錯恒隆盤數，惹起陳?把火。馬泉崇攝
業績會只講公司
恒隆噚日舉行中期業績記者會，傳媒當然最想知道陳啟宗點樣繼續盲撐CY政府，於是係咁問陳啟宗，陳茂波應否下台、係咪CY政府負資產等等，陳啟宗竟然一改乜都講一餐?本色，只講公司業務，唔評時事。
對於陳茂波囤地風波，佢話「人人都可以有意見，你有你?意見，我有我?意見，我講都冇意思，講事實好?。」簡言之，「我唔係好想畀意見」。哦，即係唔講，實情係咪根本諗唔到點幫陳茂波講好說話呢？陳茂波話自己解釋得論盡，佢可能費事添類添亂。
EQ高冇黑面
至於佢早前無端端鬧鬍鬚曾唔應使則使，係大罪人，令到大眾普遍企?鬍鬚曾?邊，陳啟宗就更加唔想提咁款啦，佢不停提醒大家，呢個係恒隆業績會，題外話唔想講咁多。難得佢心理質素超高，早有準備，基本上全程保持笑容，冇黑面，果然薑係越老越辣。
可惜，首富李嘉誠決定取消長實(001)、和黃(013)中期業績記者會，今日冇得睇超人表演了。
李華華
mailto:LiWaWa@AppleDaily.com
杜汶澤、彭浩翔初會蔡瀾、黎智英！仲未睇？
第三集《亂?24》足本放送中，即上：
http://bit.ly/appletalk24
上一則: 問清三大殺手病定義
下一則: 中環在線：繼續惹火嘲大行係明燈 - 李華華
中環在線 - 李華華 舊文
