中環在線：大家樂義賣禮包慶生羅開光下月唐裝開派對 - 李華華
■大家樂CEO羅開光(右)及「食德好」行政總監鄧燕梨一同為活動作宣傳。麥永健攝
大家樂(341)早排慶祝45周年，限量推出1蚊懷舊金沙骨、蝦多士，可惜只得幾間分店有售，唔係人人食到，再來慶祝活動第二擊，就差唔多全線140幾間分店都有份，仲要係做慈善。
收益買餐券予慈善組織
大家樂同減廢組織「食德好」合作，加埋一班供應商，推出近2.6萬個禮包，今日開始?大家樂分店義賣，每個20蚊，收益全部用來換大家樂餐券，再交畀「食德好」轉派畀慈善組織，幫助失業或其他有需要?人士。
大家樂CEO羅開光(Sunny)話，餐券可以換大家樂?皇牌系列食品，包括焗豬扒飯、四寶飯等等，包埋飲品。大家樂一向都有定期送餐券畀慈善團體，Sunny話，今次想讓顧客有份參與，一齊做善事。
禮包裏面有蠔油、護髮用品、即沖咖啡等等，都算實用。Sunny話，禮包?價值大概60蚊，差價由大家樂同禮品供應商分擔，估計活動約籌得45萬元。若反應好，明年初將會推第二階段，到時再擴大參與層面。
講起慶祝，大家樂早排搵代言人胡孟青著番套舊制服現身已經好爆，原來咁都唔止，大家樂下月7號再搞化妝派對，又係玩懷舊，以六、七十年代為主題，咁咪要著喇叭褲、鬆糕鞋？Sunny打算著唐裝衫上陣喎，真係睇唔出佢可以咁激，咁玩得，唔知青姐到時會唔會以陳寶珠造型現身呢？
李華華
mailto:LiWaWa@AppleDaily.com
■義賣禮包裏面有蠔油、護髮用品及即沖咖啡等，都幾實用。
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 鳳凰招股熱爆首日已超購11倍
下一則: 中環在線：劉央叫沽空夠曬「燈」 - 李華華
中環在線 - 李華華 舊文
