青心直說：贏錢靠捉心理 - 胡孟青
■睇勵駿唔係睇數字，而係要睇政治。 資料圖片
昨天提到，股票與明星名人，都講求食住個浪，才有機會乘風破浪，原本想起題為「食住個浪」，以貫穿整篇稿的前文後理。
世事未盡人意者，好平常，所謂「輸餐屎」並非指輸餐死，而是由英文「chance」即「機會」的發音直譯而來。即是說，任你機關算盡，天意往往在冥冥之中左右形勢與結果。
或許昨天的原稿篇幅太長，版?了幾刀之後，讀者看不明白，可以理解。簡而言之，睇勵駿(1680)唔係睇數字，而係要睇政治；凱升(102)就唔應該睇年報，而係應該留意通告，這樣才有機會識股價於微時兼贏大錢。
唔睇業績唔等於唔理盤數，業績以外其他因素對股價的影響力，往往尤甚於路人皆見的數字。況且，越看得多經典財務造假案例，就越對數字沒有幻想。業績已非一切，因為股價老早反映，地球上太多insiders，指的是對上市公司身處行業瞭如指掌的行家、夥伴、前線員工，甚至是供應商等等。
大客一沉百踩的眾醜女，例如國美(493)、比亞迪(1211)、思捷(330)、李寧(2331)等，股價得以穀底反彈，共通點都是因為後面搭上了有形之手：國美有貝恩資本，思捷有老虎基金，李寧則有TPG。
創辦人賺夠了，再讓大戶鵲巢鳩佔，大胃王未餵飽又焉肯就此罷休，斷估投資者亦不會既天真又傻到以為它們會做善事吧！
創辦人形同人質
當然，仍有基金埋身，即代表有人認為盤生意有得救，機構投資者執得死雞，都只係想勝利大逃亡兼全身而退，感覺上，創辦人甚至大股東已形同「人質」。
本著這觀點，配合按圖索驥，不難捉路，起碼過去三個月，贏錢就憑呢一招，投資係捉對方心理的遊戲，不是甚麼秘技，不必神化。
胡孟青
獨立股評人
足本收睇《亂?24》x 鄭中基穀德昭；跟住有新?師妹楊千嬅駕到！
周一至周五《亂?24》約定你：http://bit.ly/appletalk24
上一則: 財智語陸：內房股震盪屬短暫 - 陳永陸
下一則: 金手指：倫敦樓貴到癲 - 孫柏文
青心直說 - 胡孟青 舊文
