中環在線：千億富豪來港避傳媒馬化騰廚房走佬 - 李華華
■面對陳啟宗(右)落力盛讚，難得馬總(左)仍一臉沉著冷靜。謝榮耀攝
「股王」騰訊(700)老闆馬化騰為避傳媒追訪要經酒店廚房逃走！？廚房又濕又滑，一不小心隨時跣親，下次唔好喇。
科網股舊年開始主導大市，騰訊更被捧為股王，股價升到唔識停咁款，公司前晚宣佈投資華南城(1668)搞電子商貿，刺激股價又創新高，騰訊噚日市值升至超過9,500億元。
咁?由恒隆地產(101)主席陳啟宗做召集人?香港發展論壇邀請到馬化騰噚日來港，?灣仔一間五星級酒店出席一個研討會，財經記者當然蜂擁而至，想問馬化騰?電商大計啦。
陳啟宗一早為馬化騰封曬後門，話佢要趕飛機，會後就馬上鬆人去機場，不過記者一於少理，諗住點都有句「不回應」?回應?，點知呢位千億富豪一完場，話閃就閃，仲要走入秘密通道，經酒店廚房離開，去如黃鶴！
■馬總就係由呢個廚房通道鬼祟閃走。
馬總受讚賞笑而不語
講番呢個論壇，主題關於中國與香港經濟發展，陳啟宗不忘大讚騰訊，與百度、阿里巴巴三大巨頭主導內地科網業，又話騰訊?市值已經係本地藍籌股長實(001)或者新地(016)?兩、三倍，一向怕醜兼低調?馬化騰全程低頭唔出聲，頂多都係笑嚇回應。
記得馬化騰舊年講過，其實佢唔鍾意個名俾人擺出去議論，越少越好，又公開講過，覺得公司市值升到咁高好可怕，陳啟宗噚日咁樣讚佢，難怪馬化騰完全唔識反應。
李華華
mailto:LiWaWa@AppleDaily.com
上一則: 樂香園：為佐丹奴擔心 - 密西比
下一則: 中環在線：雅虎靚太CEO狠心炒心腹 - 李華華
中環在線 - 李華華 舊文
