中環在線：九倉父子冇到盛智文凍親渣馬領袖盃欠星味 - 李華華
■董立均(右二)係跑得之人，今年領袖盃得季軍。
每年一度?渣打馬拉松除?吸引大批市民參加，一班政商界名人亦有參與1.8公里「領袖盃」，不過今年財經界就冇咁星光熠熠，起碼冇?九龍倉(004)主席吳光正與吳宗權兩父子，不過前特首董建華長子、即東方海外(316)董事董立均(Andy)就跑出，得季軍。
董建華長子拎季軍
渣打領袖盃相當短途，由灣仔運動場跑到維園。年近50?Andy今年第二年跑領袖盃，查實舊年都唔係好見佢蹤影，估唔到佢都係跑得之人。佢話平時都有做開各類運類，獲大會邀請於是就跑，志在參與，冇留意時間，估計10分鐘左右完成。
至於冠軍，就係由美國總商會前主席詹康信千金Jennifer Harvey連續第三年衛冕，佢爸爸今年依然有落場跑埋一份，寶刀未老。亞軍係Noble Group首席執行官Yusuf Alireza。
唔知係咪天氣關係，或者臨近業績期大家比較忙，今年領袖盃只有41位參賽者，冇舊年接近50位咁多，財經界唔算星光熠熠，吳光正與吳宗權冇玩，吳宗權之前跑過兩年都上到頒獎台，今年九倉代表只得副主席吳天海。蘭桂坊主席盛智文?上海凍親，感冒未能參賽；舊年有跑?港鐵(066)主席錢果豐亦冇到。
全場最賣力當然係渣打香港區行政總裁洪丕正，佢淩晨5點幾已經到場主持半碼開跑?鳴槍儀式，之後落場跑埋領袖盃，又要應酬現場嘉賓、名人跑手、頒獎，滿場飛。
■洪丕正淩晨5點幾已經到場，全程精神奕奕。
■詹康信千金三連冠，原來佢都有落場跑。
■唔知係咪天氣關係，今年領袖盃減到只有41位參賽者。
李華華
mailto:LiWaWa@AppleDaily.com
上一則: 樂香園：奶多人不怪 - 密西比
下一則: 中環在線：王利民又掛住棵菜 - 李華華
中環在線 - 李華華 舊文
