異動空間：識得守先係高手
美股連日急回，但中港股市相當硬淨，滬綜指創兩個月新高，恒指更迫近今年高位，可惜純粹乾挾，除非戰友炒期指，否則基本上無著數。魏力冇捱夜睇世盃揭幕戰，但午後仍昏昏欲睡，最後索性熄埋報價機，真係幾無癮！相比起足球，其實魏力更鍾意睇NBA，常規賽82場，猶如馬拉松，不少球隊粒粒皆星，但常規賽操勞過度，季中開始就周身傷，唔少更因此提早「收咧」，結果與總冠軍無緣。馬刺三巨頭並肩作戰十多年，去到季後賽仍生龍活虎，教練居功至偉，於常規賽盡量讓老將休息，用盡12個球員，降低每人的平均上陣時間，並建立全隊默契，打整體戰，不會因一、兩個球星傷出，而令實力大打折扣。
套用於炒股，瞓身博到盡，市況又好的話，要贏幾個月並不難，但如何保住利潤，分散風險，在這場一生的遊戲獲得豐碩的收穫，才是成功的關鍵。經歷相對易炒的2012及2013年後，今年對投資者將是個頗大的考驗。巨濤海洋石油(3303)呈突破之勢，上日破旗漲3%，9 RSI回升，MACD持續雙牛，成交亦配合遞增，可待升穿1.80元追入，短線上望52周高位2.01元。
魏力
http://www.facebook.com/2012jason
識睇一定睇蘋果嘅足動世盃：
http://worldcup2014.appledaily.com/
魏力
異動空間 - 魏力 舊文
