Prof J財技特訓班：
炒上要有故事
■筆者睇好華南城，以3.6元做散水位！
Prof J有時真係好怕冧巴，但係唔講又怕大家唔「合皮」，講得多又要好小心，只好執生。
其中一集有小角度嘅上海集優(2345)，做創製冷鍛元件供應商，產品供應汽車及航天等行業！股價去到250日線跌唔落，屬博反彈之選！
京都商城上市之後，大家眼仔又開始掃番物流商貿股，無他，呢個世界炒股要有angle，咁樣先至可以長做長有！唔可以否定，就係一個有用嘅名係非常之重要！
用企業融資嘅角度，呢啲叫做seal of approval，即係話間公司，人哋個大名幫你印咗個圖章仔！唔信公司，都信嚇佢！
華南城蓄勢待發
大家都知華南城(1668)，有騰騰，之後Prof J喺度都講過，騰騰透過虛轉實，將業務固體化，虛擬加實力炒埋一碟，有咁樣嘅故仔去支持公司！有咗騰騰個名，立竿見影就係借貸成本優化咗(Prof J跑得大陸多，土豪咗)，借貸成本明顯低咗，利息支出小咗，條數一定又靚咗啦！
成日集資最緊要有嘢搞，因為一般營運呢啲咁行嘅講法，人哋已經唔多like！呢個angle自然係發展+融合+壯大！除咗基本嘢外，搞家居廣場、會展中心、物流訊息中心……等等，講曬，即係個故仔已經編好。
早前我曾經講過，要令華南城有業績係好多容易的，亦都有方法令佢更有亮點！
睇技術走勢方面，確係世界嘅朋友都欺騙了，3.2元穿咗後喺2.93元有支持，用咗十幾日嘅時間將自己爆返上3.7元樓上！
最明顯係，大行又出報告，更明顯係基佬盤(即基金盤)隻神之鷹手，將股價打上，根據Prof J蜻蜓投資法，價量帶技術再帶基本，以3.6元做散水位，一齊隨時出擊！
徐燦傑
中國銀河國際財富管理主管
本欄逢周四刊出
【壹錘定音】星期一至五，早上8點開咪！
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp
徐燦傑
Prof J財技特訓班 - 徐燦傑 舊文
