魚樂無窮：炒股最忌欠市場觸覺
■王石任主席的萬科企業，中期銷售金額突破千億元人民幣大關，前景亮麗。資料圖片
近日開始有老散朋友問買乜好，非常認同前輩陸叔噚日專欄所寫，如此大牛市如仍然冇貨在身，證明所欠?係市場觸覺，只宜靠邊站。以今次升市為例，事前都有唔少蛛絲馬跡，例如大折讓H股率先狂炒，然後輪到殼股潮，之後金管局開始向市場注資，不過令唐牛重投股市?其實係港交所(388)！
港交所7月7日突然大成交升穿4月滬港通消息出籠日高位，但當時大市依然死氣沉沉，成交得四五百億，反映春江鴨肯定另有所圖，往後大市表現如何，相信大家都好清楚。點樣增加市場觸覺？睇多?本報財經版，肯定有你著數。
雖說太貼市好易輸錢，但如你返朝九晚六連望機都唔得閒，畀多多爆升股你都係徒然，唐牛會建議呢類打工仔，月供盈富基金(2800)同埋領匯(823)，穩穩陣陣財息兼收。
萬科破旗有買趁手
指數高位整固，熱錢就繼續尋寶，內房股一如預期翻叮，其中萬科(2202)炒高4%，成功破旗，一旦衝穿上市高位17.62元，將會如入無人之境，瑞信給予目標價18.6元，相信只係升浪中途站。除?無蟹貨優點外，萬科銷售數字亦頂呱呱，中期銷售金額突破千億大關，報1,009億元人民幣，按年增長兩成，遠勝兩隻藍籌內房股中國海外(688)及華潤置地(1109)。事實上，萬科乃內房股龍頭，難得南下來港上市，大戶掃貨後肯定?實唔放，長遠計納入摩指甚至藍籌機會不低，?基金盤搶高前買入，贏面極大。
唐牛
https://www.facebook.com/tongcow88
唐牛
魚樂無窮 - 唐牛 舊文
