異動空間：理士早買早享受
熱錢持續湧港，3億市值樓下殼股成喪炒對象，H股之中，天業節水(840)市值僅1.64億元，雖業績唔算標青，半年賺69萬元，勝在食正環保及「三農」大國策，配合0.46倍PB的低廉價錢，隨時引來大戶垂青。昨見多家中資大行圍攻，成交大增至1,250萬股，較平日飆升10倍，莫非有好消息跟尾？但老套都要加多句，小注投機，嚴守止蝕。
一間蝕錢的公司，點解可以四個月飛升兩倍？講緊?係電池股理士國際(842)。4月由7毫起步，本月高見1.98元，家陣回到1.68元，買定等業績無蝕底。炒股炒前景，蝕錢照爆升，更非一兩棍到位的大戶式操作，證明聰明錢持續掃貨，今年業績復蘇應無懸念。受肇慶廠房停產而作巨額撥備影響，去年中期勁蝕2.34億元人仔，但全年虧損大減至1.29億元，意味下半年賺1.05億元。下半年收入及毛利分別較上半年增長14%及17%，業務見底呼之欲出。
理士電池產品涵蓋通訊、電力、鐵路、太陽能、電動車等行業，國策支持不在話下。中央力谷電動車生產，有利理士相關業務，前景加分。昨為調整後第一棍反彈，隨著業績臨近，春江鴨料已提早入場，可順勢炒一轉。
魏力
http://www.facebook.com/2012jason
魏力
異動空間 - 魏力 舊文
