智取大市：東瑞製葯估值大落後
恒指23000定係25000，其實係10%?事，只要配合強勁資金流就可以成為足夠理由去令大市以呢個幅度升。睇返前年日股大升浪，一個QE就令日經平均指數?半年內升近一倍，當中唔太需要有基本因素支持，只不過?錢夠大兼且餓得太耐，故升幅特別勁。
近期港股升市究竟係單純由資金帶動，定係有埋基本因素去驅動？晉佳比較唔樂觀，覺得今勻都係單純資金市，因內地樓市唔似會有起色，令到整體經濟回升有一定難度，加上未來兩年A股新供應始終非常多，升極有個譜。港股升市要維持到滬港通開通之時，始終有難度。
近期港股單日成交約700億元，成交唔算活躍，每日只足夠集中炒起小量股票，就算眼見隻股有concept，要等佢炒下一轉都等到頸長，如因為眼見其他股爆升而缺乏耐性，頻頻換馬，反而容易中招。晉佳近排都試過，太心急換馬追概念，掉返轉中曬伏，升市要輸錢，所以疊埋心水坐住覺得幕後有心造上?股等開車，同時坐住一批有基本因素支持?股就算，但求最後拉勻有得賺。
另外，亦可以還原基本步，從基本因素出發。東瑞製葯(2348)最近公佈中期業績，相當唔錯。上半年收入雖跌8.3%，但純利升三成，去到1.02億元人民幣，每股盈利12.66分。收入下跌原因係中間藥及原料藥收入大跌45%，仲要蝕錢1,793萬元。至於成藥部份先係增長點所在，成藥包括抗高血壓同抗乙肝病毒藥物，上半年收入升3.09億元，升18.8%，分部盈利1.85億元，按年升38%。
上升空間三成
要知道，成藥業務增長成型冇耐，要?未來幾年保持增長勢頭唔難。由於成藥業務踏入上升周期，下半年業績保守估計亦可以較上半年出現10%增長，當全年盈利33.2分，市盈率19.5倍，以增長型藥股估值計絕對係平，以25倍作為目標價亦合理。年初至今東瑞製葯股價冇乜點升，但其實?業績前震完一輪已經拗腰回升，之後可能進入新一輪升浪，以上述目標市盈率定價，可睇8.3元，有三成上升空間。
另國家主席習近平最近開會講改革，花?唔少口水去講新媒體發展，照計呢個板塊值得重視。香港上市有錢賺?內地媒體股唔多，要數有一隻晉佳曾經推介?新華文軒(811)。近期內地有一套熱播劇集《歷史轉折中的鄧小平》，就係由新華文軒附屬公司製作，一睇就知新華文軒有後台支持，佢?市盈率只有9.7倍，一旦出現新一輪re-rate，成為國策股新貴，未來成為倍升股都唔過份，呢個moment梗係早買早享受。
晉佳
本欄逢周三刊登
晉佳
智取大市 - 晉佳 舊文
