魚樂無窮：4G熱爆摩比趁早買
■胡翔任主席的摩比發展，上周五收報2.02元，可先以2011年高位2.6元作目標。資料圖片
內地電訊業發展一日千里，4G肯定係未來數年?撳錢亮點，相關概念股長炒長有，今日推介?摩比發展(947)，有靚爆鏡業績支持，喪炒格！
中線有力見三字頭
摩比業務包括天線系統、基站射頻子系統及覆蓋延伸方案，受惠內地4G網絡建設帶動產品需求，上半年生意勁增一倍至7.6億銀人仔，盈利更爆升4.8倍至4,534萬人仔，為去年全年盈利?兩倍有多，勁到冇朋友！睇細數，FDD-LTE天線及LTE射頻器件收入分別增長7.7及7.1倍，4G建網帶來?爆炸性增長有根有據，預期下半年動力有增無減，盈利將繼續以幾何級數增長。除內地外，海外市場為摩比另一個增長引擎，上半年收入上升66%，業績報告講明，未來將積極參與亞太、非洲及拉美地區項目，公司手執兩億茄殊，要擴展版圖話都冇咁易，多元化收入亦對集團百利而無一害。
公司去年扭虧為盈後，旋即恢復派發末期息2仙，可以預期，今年股息回報更勁，回饋股民之餘，亦可吸引基金入股，一舉兩得也！保守估計下半年盈利再增兩成，即全年可賺1億人仔，折約1.26億港紙，市盈率將降至13倍，以摩比?無限潛力，絕對係蔗渣價錢燒鵝味道。上周股價回試前浪頂約兩元即見支持，收報2.02元，調整或已完成，新一輪升浪隨之而來，先以2011年高位2.6元作目標，潛在升幅三成，中線更有力重見三字頭！
唐牛
https://www.facebook.com/tongcow88
唐牛
魚樂無窮 - 唐牛 舊文
