異動空間：跟紅頂白撐融創
上周五全城搶新iPhone，三點後連個市都靜曬，彭博數據顯示，3點至3點45分，港股僅得60億元成交，有朋友公司所有trader唔落盤，集中精神搶機；某銀行由於太多公司職員狂refresh網頁，癱瘓埋公司個網絡，trader想幫個客落盤都做唔到，認真誇張！魏力好彩訂到幾部，即管睇嚇可否發個橫財！
個市連隊六日，銀行界消息指，係因為大戶沽貨班資回朝，認購「勁抵買」?阿里巴巴，如果屬實則後市應當樂觀，因為本周五(19日)掛牌後，認購落空的資金應會重投港股。假如阿里上市後熱炒，不排除大戶會翻兜騰訊(700)追落後，觀乎騰訊跌至120蚊已見支持，散戶有買宜趁手。此外，滬港通概念股仍有氣勢，山東墨龍(568)蓄勢破頂，京城機電(187)創新高，後市毋須睇得太淡。
內房股強弱懸殊，跟紅頂白是硬道理，基金愛股合景泰富(1813)率先破頂，下隻應該到融創中國(1918)。高盛上周出報告，目標價大升46%至9.2元，現價買仍有40%水位。高盛認為，內地逐步放鬆限購令，有助融創貨如輪轉，紓緩資金壓力，加上銷售跑贏同業，值得吸納。
魏力
http://www.facebook.com/2012jason
魏力
異動空間 - 魏力 舊文
