中環迷你裙：當芬佬變成散戶
■史上最大IPO將素來胸有成竹的基金大戶降格變成散戶。路透社
「唔該一杯manhattan」，星期五想透透氣，望著高級餐廳的各位，Samantha差點窒息。眾人手持酒杯，?前竟然人人放了部tablet，播放著Bloomberg、CNBC和霍士的巴巴報道。港股已收市，但交易現場好似移師至餐廳內，正當眼前的香氣四溢和牛呼喚著我，「你講多次？一股都無？」兩點鐘方向的男士突然失控，「真係好鬼難拎，我?間fund都係拎到少少咋……」脫了領帶的他，神色掩不住的興奮，神情為何似曾相識？原來同抽得首批iphone的果迷重疊了。
兩小時半後，第一口價終於來了，齊齊數著「94蚊，96蚊，哇，99蚊喇！」Samantha分不清眼前是芬佬，定係散戶。中國人愛將「血濃於水」掛在嘴邊，可憐的是，大陸基金分得的股少得驚人。醒目仔除了有份做刁的投行，要數頂尖基金老虎環球，他們年初傳用16億元買巴巴股份，當時每股作價只是32美元，家陣上埋市發過豬頭。
美國風險投資協會資料顯示，公司上市步伐越行越慢，由2000年需時3.1年，至2013年的7.4年，待公司上市，估值一點也不便宜。識買，一定趁嫩買startups。值得欣賞的是主權基金GIC，上月先斥資8億元投資台灣音樂串流服務供應商KKBOX，早前又買了人力資源解決方案商Kronos等，可見的將來，越來越多芬佬同超人的維港投資爭玩具。
Samantha
https://www.facebook.com/stocksamantha
本欄逢周三、五刊出
Samantha
中環迷你裙 - Samantha 舊文
