恆生AH股溢價指數
優質藍籌大有市場
我們應該醒覺，推廣港股通的工作，是不能被動地去靠國內同業，人家是完全沒有誘因去配合，教客買港股，輸?難辭其咎，贏又冇得分。從媒體報道所見，更有潑冷水之嫌，中國登記結算公司的參考匯率固然是一例，甚至有國內評論員指，港股可炒即日鮮、沒有升跌停板因此風險高，倒轉頭講都得，應該不是唔識，而是唔想幫。故香港人想做大個餅，一定要靠自己。
長遠而言，要爭取內地人可以借港元炒，因為港元息低，亦可以減少客戶在匯兌風險上的顧慮，而眼前的工作，則要在港股市場定位下工夫，主要可分做兩方面。第一是推廣及介紹香港一些指標性股票，而且應該是針對長線投資者的需要，叫內地人沽樓換A股，多數唔肯，但內地樓市已失去活力，資金是要找出路，沽樓換入一些歷史悠久的優良香港藍籌，其實會有市場。
第二是簡簡單單，解釋AH價差概念。理論上在計入持倉成本之後，在平衡狀態下H股是會貴過A股，因此那些有折讓的H股，其實是折上折非常抵買，大平賣打五至七折都無人買，絕對是sales的問題。
豐盛金融資產管理董事 黃國英(作者為註冊持牌人士)
Money18更多即時港股指數資訊
上一則
下一則
對沖國度 - 黃國英 舊文
