一周三件：航天控股夠細
■航天控股調整已告終，兜底可先以1.5元做目標。互聯網
航天控股(031)?成個航天系企業界裏面，PB至抵，兼市值最細一隻，大型央企、國企重組改革，航天有機會俾湊大，有得諗。
現金牛有利拓展
航天控股現價(1.03元)PB約係0.67倍，香江同系統有亞太衛星(1045)，家陣1.9倍PB、航天萬源(1185)1.8倍。祖國同系中國衛星，PB上到7倍、四維圖新6.5倍，航天機電3.5倍。航天控股比起頭一隻中國衛星，更加係折讓?90%。又航天控股市值32億元，比起航天萬源36億元市值，仲要細。另一隻亞太衛星市值68億元，近航天控股兩倍！
呢期見，隔籬中航系統action，當中，中航工業(232)獲母系注資。又上邊睇到，成個航天系，包括航天控股在內，七隻股票咁大把，而航天控股本身，主打包括房產，同智能充電器、液晶顯示器同線路板等等「科技工業」兩大瓣數，七間公司裏面，又係得航天控股沾手呢兩瓣。諗到?係，若果阿媽向旗下公司注資，呢兩大瓣數注入航天航天控股，變得順理成章，航天等湊到肥肥白白。
排除呢個注資可能，航天控股家陣手頭現金18.6億銀，淨現金都上10億銀，現金牛絕對有利未來拓展。又剛??10月中，阿媽航天科技集團，同俄羅斯集團Rostec，簽署戰略合作協議，促進雙方共同研發同生產電子元器件、訊息技術、通訊系統以及自動化系統、新材料等領域?合作。
Rostec係俄羅斯最大?綜合性技術工業集團，合作範圍亦包括航天控股涉及到?瓣數，航天控股亦好有機會子憑母貴。
航天控股由10月1.28元，調整返落呢轉起步位，兜底先以1倍PB1.5元做目標，講緊翻半番，未有耐追到姊妹公司PB水位。
錢雋
細價股專家
本欄逢周二、三、五刊出
錢雋
一周三件 - 錢雋 舊文
