情陷夜中環：韓戰
■陪朋友到韓燒食肆開餐兼追女仔，仲要連續三次，箇中難度，不言而喻。互聯網
可歌可泣的愛情故事，都牽涉生離死別。中環人講金，但一旦遇到那個能讓你講心的，生命，for the first time in your life，會放在第二位。
借主場博客兼韓國專家鍾樂偉的書名做個引子，因為他的書名改得真好：《韓瘋》，不只是風，是瘋。韓風襲港多年，越吹越勁。音樂、電視劇、手機、護膚品，少男少女因韓而瘋，不韓不快。年過三十的我，似乎也受韓毒入侵，近來買褲要買窄?、揀洗面液要揀美白系列，吃雪糕要吃Honey Creme，統統也是中毒跡象。但說到吃，依然是麻麻?韓燒，太熱氣，非我杯茶。「一齊試嚇啦，呢間堅出名喎。」一位好朋友極力遊說。終於，相隔超過20年，破例再吃一次韓燒。
「堅出名」是這家「喜來稀肉」，在韓國有數以百計分店，上年登陸香港，在銅鑼灣和尖沙嘴試腳。由於太受歡迎，老闆決定再開兩家，位置應該是旺角和荃灣。可以預先訂位，但訂?等於冇訂，因為一樣等到黐肺。出名的有護心肉和大醬湯，有很多韓國人都是座上客，算是信心保證。係唔係幫佢?賣緊廣告？唔係，因為我宜家諗起?間?都想嘔。這店有甚麼問題？這店應該沒有問題，有問題是我的朋友。故事，由等位開始。
喪食韓燒志在女侍應
朋友任職藍籌公司，藍籌中的藍籌，年紀跟我差不多，是個「中仔」。雖然他是香港人，但五官有點像墨西哥仔，in a good way I must say，笑容酷似皇馬的Cristiano Ronaldo，即是球迷口中的C朗或C7，所以我?都叫呢個好朋友做墨C。跟墨C站在喜來稀肉裏等位，已經訂?八點半，到八點五十分都未有得坐。我開始察覺到有點不尋常，並不是因為訂?位都要等位不尋常，是墨C的表現不尋常。我們兩個的共通點，是耐性比正常人低很多很多，屬於極度厭等那類。但這晚，等了這麼久，墨C依然等得心平氣和，搞到我都唔敢投訴。所以，我只係講?句：「都半個鐘喇喎，咁耐?。」他聳聳肩，笑一笑說：「係囉。」等半個鐘，佢仲會笑一笑，冇誇張，係世界奇觀。
坐低後，我看餐牌，墨C向我介紹：「個護心肉同生牛肉幾ok。」我不停揭餐牌，想看看護心肉的圖片，但找不到。「再後一頁呀。」墨C說。勁，佢完全冇睇餐牌，咁都記得係「後一頁」？你成日?食?？「唔係。」食過幾多次？「一次。」食過一次？但係你好似好熟喎。「因為?一次，係噚日。」WTF？噚晚食完今晚又食？「你七點鐘。」我跟著他眼神的方向，往後望，瞧到店裏其中一位waitress。那一刻，我知道自己中伏了。原來佢唔係想食韓燒，係想食其他?。答應過墨C，不會在這裏仔細形容那位waitress姐姐的容貌，免得為當事人帶來潛在不便。但故事，還是要說。到底我沒有來的前一晚，發生甚麼事？
話說，墨C跟一位女性朋友來到喜來稀肉，已經被這位waitress吸引著。墨C跟真正的C朗一樣，攻勢既進取又直接，一係唔射，一射就要勁射。我想問嚇，呢度開到幾點？Waitress姐姐想也不用想就回答：「兩點。」都唔係好晏喎，可以等埋你放工。「嘩，乜你個人咁?，?女朋友面前撩第二個女仔。」佢唔係我女朋友呀，佢有男朋友?。Waitress沒有說話，露出一個甜美的笑容，離開了。之後一整晚，墨C的眼睛再沒有離開過一路勤力工作的waitress姐姐。他們吃完飯，墨C拿出信用卡付款，組織另一次攻勢。Waitress姐姐接過信用卡，但墨C沒有放手。你??我張卡，知道我個名，咁我可唔可以知道你叫乜?名？「你估嚇。」嘩，點估呀？「咁算囉。」她拿走信用卡，但留低又一個笑容。
Waitress很快又回來，抱歉說：「唔好意思，卡機壞?，要畀現金。」好，咁我今晚等你放工。墨C把握最後機會，埋門一腳，入唔入？「請你食塊香口膠。」Waitress說。墨C以為香口膠是她送的第一份禮物，怎料，他把香口膠放進嘴裏後，頓時臉色一沉，然後黯然離開。
檸檬味香口膠有創意
嚇？香口膠有毒？「冇毒。」咁有乜問題？「個味有問題。」乜味？「檸檬。」我忍不住爆笑，咁樣reject人，果然有創意。雖然最後入唔到波，但墨C好明顯冇放棄，如果唔係，我而家都唔會同佢坐?度。除了球技，C朗還有鬥心。香港好少男仔有咁?鬥心，受少少挫折就驚，以後唔敢追女仔，又或者懶得追女仔，最後等女仔追。主動跳入你口裏面??，你估會係日本黑豚肉咩，肯定港產豬扒啦。
可能是有心迴避，又可能是開始害羞起來，今晚招呼我們的，是其他的waitresses。既然缺乏相處機會，墨C唯有再進取一點，扮去洗手間，在waitress姐姐身邊停低說：「又係我呀。」我從遠處觀戰，看到waitress姐姐笑。「你好鍾意食韓燒?？」她問他。講真，麻麻?。Waitress笑得更開懷說：「辛苦你啦。」雖然我?唔係fine dining，但用?時間絕對耐過fine dining。不過，天下無不散之筵席，磨爛蓆唔會磨到一世，始終都要走。「可唔可以知你叫乜名？」這次又是她負責埋單，墨C鍥而不捨。要知道一個普通的名字，我睇睇張單，代價是超過七百大元。「你?第三次，我再講畀你聽。」唔係咁殘忍?？「講笑喳，Janice(我當然不會寫真名)。」Janice，你電話係？「得寸進尺。」
第二晚，又見到墨C，不過這次的目的比較有益身心，是跑步。唔係話跑就有得跑，要預先畀六百元，才可以跑，活動的名稱是Electric Run，是跑步界的盛事。講笑?，如果真是跑步界的盛事，肯定會見到蔡東豪。純粹是，畀六白蚊，?中環十號碼頭跑一公里，即係五分鐘，然後飲酒。值回票價的，是打扮得花枝招展的女跑者，但我們幾個朋友沒有逗留太久，因為開始有點餓。「食乜好？」其中一位朋友問。葉朗程提議打邊爐，墨C提議韓燒，結果韓燒勝，我要求立刻離隊。「係friend?，食多次，最後一次。」好吧，反正我都未見過人連續食三晚韓燒，就當係睇歡樂滿東華籌款表演吧。
再度來到喜來稀肉，侍應們均向著墨C偷笑，似乎已經洞悉內情。連續吃三晚泡菜、燒肉、豆腐湯，但墨C仍然吃得津津有味，絕對交出影帝級演技，我食到想死。墨C找緊機會，走到水吧問Janice：「可以寫個電話畀我嗎？」她笑而不答，到別處繼續工作。
任C朗鬥心再強，也終會有累的時候，一肚的泡菜也讓墨C累了。埋單，眾人站起來，準備離開。墨C把自己的手機號碼寫在喜來稀肉的卡片上，親手給了Janice。墨C說：「我真係食唔到第四次啦，你想?，就打畀我啦。」
唔好話連續三次，我連食兩晚已經想嘔。每啖泡菜和燒肉，都是能人所不能的決心、誠意和勇氣。對，是勇氣，因為咁食法，分分鐘食到食道癌。希望佢未死之前，可以收到你電話。
葉朗程
葉朗程
情陷夜中環 - 葉朗程 舊文
