異動空間：執平貨首選時捷
大除夕半日市，悶局也是常識吧！不過悶還悶，如想博假期後開紅盤，還是可略作部署。外資流出中國令銀根緊張，市場普遍憧憬短期會再減息、降準，揸一點內險、證券股過節，當小注買張彩票未嘗不可，但希債談判破裂，未來數天外圍應會相當波動，賭得一定要注意控制風險。股份方面，太保（2601）、信証（6030）等大路之選均可考慮。
市況逐步回穩，細價股近月暴雨後，可以開始執地上樹枝，識得執一定係揀四樣嘢，估值平、息高、貨疏易掃、主席增持的股份，時捷（1184）四樣齊曬，掃！時捷主攻半導體分銷，手機、電腦、平板瓣瓣都中，新iPhone全球大賣，加上下年半係傳統出貨旺季，時捷成績單勢將省鏡，以全年賺1.8億元計，預測PE6.2倍；息率料不低於五厘，相當吸引。股權方面主要股東共持62%，加上股價震盪逾年，料已收得八八九九，開車話咁易。
再講，主席嚴玉麟去年開始撈貨，由2.12蚊撈到落1.7元，家陣都未夠兩蚊，屬upside遠高於downside股票，簡單去番二百五十日線，水位已近兩成半。
魏力
http://www.facebook.com/2012jason
魏力
異動空間 - 魏力 舊文
