大合併
2015/02/18 09:08:55
網誌分類: 經濟
紐約油價反彈上每桶53美元上方，美股長假後先跌後升，反覆造好，標普500指數升3點，收市剛好超越2100點嘅歷史新高，杜指漲28點，收報18048點。
前日，希臘政府指歐盟提出的紓困建議「不能接受」，宣告與歐元區財長就債務的談判破裂。由於絕大部份嘅希臘人都唔想「脫歐」，投資者估計希臘債務談判不會就此終結，歐美市場反當天應顯得一派平淡。果不其然，市場昨日已傳出，希臘政府將於今日再度向歐元區領導提出延長貸款協議的要求，市場嘅解讀係希臘債務磋商會取得進展的跡象。至大市昨日表現，不過一如上日，除希臘銀行股喘定，輕微反彈之外，歐美股市亦未見得有好大反應。
有紐約資深分析員指出，四年前，市場聽到希臘可能「脫歐」，怕歐元區可能因此玩完，驚到有震無得瞓，不過，經過幾年嘅反覆思考之後，投資者已經適應咗，恐慌感上在好大程度得到消除，大部份投資者已經覺得希臘「脫歐」無乜大不了。事實上，希臘債主（主要係銀行），在這段時期內已將大部份風險轉嫁俾政府及納稅人。固此，希臘可能「脫歐」已經失去了此前嘅驚嚇價值。而另一個更重要嘅原因，係大部份人已經忽略了「骨牌理論」（domino theory）：認為希臘「脫歐」，不會導致歐元區產生系統性危機，覺得希臘與葡萄牙、愛爾蘭或者西班牙的問題不同，例如愛爾蘭是銀行問題，義大利是通脹及官僚問題。即使真的出現危機，有歐央行願意大力放水救市，無有怕。
不過該分析員認為，這種想法是比較令人擔心的，上述這種言論，在2008年時其實亦聽唔少。最大的問題在於，事件究竟如何聯在一起，好多時候是我們難以預測，隨時給人意外的「驚喜」。
內地即將放春節長假，股市今日係馬年最後一個交易日，只有半日市。滬市昨日收漲，已經係連續第七日造好。分析師普遍對羊年股市睇得幾樂觀，認為市場對節後出臺寬鬆政策的預期比較正面，收爐前連日造好，係資金提前佈局所致，令到對政策寬鬆反應敏感的券商、地產板塊領漲大盤。
臨收爐過節之前，市場傳出中央繼合併南車（6199）及北車（1766）後，正考慮在石油價低迷時，通過合併的方式，加強石油公司的營運效益，目標係建立可與美國埃克森美孚（Exxon Mobil）爭一日長短石油巨企。市傳的合併方案可能係中石油（857）及中石化（386），或者中海油（883）加中國中化。以市值計算，AH股合計，中石油的總市值為2.4萬億元，而中石化亦達8000多億元，一旦成事，這將會是近年環球金融市場罕見的大併購。
另有報導指，政府領導人已要求經濟顧問團隊造合併的可行性研究。不過，有官員回應，有關研究尚屬初步，最終會否落實合併仍是未知之數，更沒有相關時間表。不過，有分析指出，中國近年正全力推行國企改革，國企可能合併的消息如雪花亂飛，早前就有內地傳媒報導聯通（762）以及中電信（728）可能合併，但有關公司及政府部門均否認這項消息。相比於南北車的合併，兩大石油公司合併比較困難同複雜，一來涉及公司業務規模龐大、員工眾多；二來或會令中國石油行業出現壟斷，這與中央強調要提高市場競爭的講法有矛盾。大家不妨當做古仔聽下，唔好未睇定就落鑊炒呀！
馬年將盡，羊年又到，祝各位新年賺多啲，下星期一再會！
陸羽仁
回應(2) 我想回應
陸羽仁 BLOG 舊文
