異動空間：盈喜孖寶咪錯過
早兩日推介的利基（240）發盈喜，魏力不感意外，因去年中期純利已高過二○一三年全年，但仔細睇通告解釋，加上簡單的算術及少少聯想力，發現這可能是股價爆升催化劑！
正常盈喜通告，只會例排交代純利大升原因，例如「營業額顯著增長」就算，但利基就清楚講埋，「增長與二○一三年年報所披露之手頭上未完成合約價值之增長一致」。睇返年報，未完成工程額增長達十億元，即去年營業額32.9億元，按年增長46.5%。以中期純利率1.9%計，預測純利六千二百五十一萬元，按年增長近兩倍，預測PE僅8.5倍，對比強勁增長潛力，估值仍吸引。再講，寫得咁清楚，自然是希望俾有心人炒上，如魏力冇估錯，早兩日應是好消息前震倉，後市有望更上一層樓！
畀多隻盈喜股大家：奧普（477）。上月十三日已出盈喜，呆咗一輪終於破頂，值得跟進。中期收入3.47億元，首十月則為6.26億元，下半年銷售明顯加快，全年收入可見7.5億元，純利1.5億元應冇走雞，增長近五成，加上高息誘惑，中線上望兩蚊。
魏力
http://www.facebook.com/2012jason
魏力
異動空間 - 魏力 舊文
