魚樂無窮：尋找納指破頂概念股
■東江集團市值24億元。圖為集團主席李沛良。 資料圖片
中港股市有波幅冇升幅，喺地球另一邊嘅美國就好醒神，以科技股為首嘅納指屢創新高，大家日日用嘅facebook破頂，蘋果亦喺高位徘徊。新上市嘅智能穿戴商Fitbit上周四掛牌，首日狂飆五成，一周下來已升
八成，兩個字︰霸氣！
「香港除咗騰訊（700）好啲之外，其他麻麻咋喎。」咁你就錯了，有隻逆市創新高股份，其實暗藏科網基因，講緊嘅係東江集團（2283）。
有跟開本欄嘅戰友都知，東江經常喺呢度出現，無他，概念足、估值平，兼有猛人坐鎮。東江主打兩辦業務︰模具製作及注塑組件製造，手機及可穿戴設備佔總收入，由16.4%升至22.3%，成為主打業務，上邊提過升爆廠嘅Fitbit，東江正正係生產商。Fitbit市值580億，預測市盈率39倍，東江市值24億，預測市盈率12倍，橫睇豎睇都係抵。事實上，東江客戶還包括蘋果、GoPro、Jabra等，星味十足，市傳東江連Apple Watch嘅單都擸埋，集世上最強兵器於一身，天下無敵囉，仲未計家電、醫療、汽車幾隻金蛋喎，未來盈利增長係點，用計數機都計唔切。
如此筍貨，又點會逃得過價值投資者法眼。金手指惠理最新持貨8%，僅次於大股東，近期股價45度角上升，好大機會係佢哋掃貨，噚日大成交破旗，新一輪升浪開始了！
唐牛
https://www.facebook.com/tongcow88
唐牛
魚樂無窮 - 唐牛 舊文
