異動空間：下隻炒爆拆細股
證監做番場好戲！董事會一致通過不支持「同股不同權」，擺明同小加打對台，更講明「假如不同投票權架構變得普遍，香港的證券市場及聲譽將會受損。」港交所硬銷同股不同權，美言為跟國際接軌，實際只想多撈生意、谷成交，為此降低上市門檻實難服眾，希望證監繼續企硬、頂住！
講
番個市，A股午後又倒水，原來大陸午後1至2時係call孖展時間，補唔到就斬倉，加上驚跌停板沽唔到，結果大夥兒爭相掟貨，滾雪球推冧個市。反觀港股仲頂得住，3點後A股收市，不少股都倒升，個別走勢更相當有睇頭，上周介紹的泰昇（687），公佈分拆地基業務及出售內地投資物業，震倉多日後重拾升軌，手貨又歸曬邊，可無視市況自行炒上，不妨小注投機。近排拆細股例排爆升，林麥（915）一拆五除淨，兩日飆五成，普甜食品（1699）一拆二下周四除淨，昨開始見春江鴨進場，睇番4月公佈折細後幾乎冇炒過，安全系數十粒星；之後又向管理層發1.6億股認股權證，認購價1.3元，再加每股5仙認購成本（1.35元），現價仲低過老闆買入價，真係唔怕買，博短線升兩三成。
魏力
http://www.facebook.com/2012jason
魏力
異動空間 - 魏力 舊文
