中環迷你裙：最強抗跌股現身
■匯源果汁昨日逆市升7%。圖為集團主席朱新禮。 資料圖片
港股大時代係咪一場美麗誤會？上周五原來假反彈，今鋪真下跌，兼且填補緊四月那兩大個裂口，閣下若4月9日後買入的股，大部份都要坐艇，眼下好消息缺席，壞消息倒是一籮籮：美國快加息，希臘盡最大
努力賴皮，最後一個關卡A股失守埋4900點。想撈貨時停一停，諗一諗，有利潤不妨問自己：有餬真係唔食？
長沙男炒燶中車跳樓，揭發普通市民竟然做到4倍槓桿，而只要一個跌停，散戶就要強制平倉，昨日逾百隻A股跌停，骨牌效應不能不防。果汁股隻隻抗跌能力高，當中滙源果汁（1886）最值博。
新焦點（360）有鼎暉投資入股、銀泰（1833）有阿里、滙源果汁有泛海，獲猛人入股，通常都有大搞作，且會炒到水尾先會揭盅，第二，佢哋入股價是一個好指標，5倍以上先叫做回報吧。翻查紀錄，泛海除了自己隻715旗艦，現僅入股滙源果汁，這無疑是一注獨贏的大茶飯。炒股是向前望，滙源管理層派定心丸，今年有望轉盈，再者，邀做過百事和可樂的梁家祥做高級副總裁，第三，本年屬滙源互聯網衝刺年，早於在大網插旗的滙源又望壯大銷售額，最後望下幅圖，逾1,200隻股下跌，滙源昨日逆市升7%，創出一年收市新高，看來要動真格喔！
Samantha
本欄逢周三、五刊出
https://www.facebook.com/stocksamantha
Samantha
中環迷你裙 - Samantha 舊文
