異動空間：愛股跌跌不休時
昨文講完目標價，第二件事想講止蝕價。坐艇係炒股一部份，持股中伏好多人心態係：我又唔等錢使咪擺嚇先囉，第時返家鄉賺錢再沽。當你叫佢止蝕不時會收到兩種回覆：一、友善mode：轉揸中長線可以嗎？我好有耐性，筆錢唔等用的（笑臉emoji）。幸運地愛股浮上水面賺5%，
又收到其查詢：乜乜有賺了，多謝你的推介，現在應食糊還是繼續持有（輕鬆emoji）？我不禁想覆句：你現在又很等錢用嗎？二、質疑mode：你不再看好乜乜嗎？只跌10%為何要止蝕呢？盈利增派息高，乜乜個欄昨日也唱好呢！結果呢位師兄當然冇止蝕，而股價徐徐向下。持股升緊時，check股價欲望總較強烈，跌跌嚇就會感情轉淡，由一日看三次變成三日看一次，再變成30日才望一眼。最近再收到留言，佢隻股已蝕緊50%，喊曬口問點算？蝕到呢個位，多數人已準備同隻股鬥長命，問你只係想多個人支持。
數字王國（547）早排大割引，三蚊變一蚊，吸引不少散戶撈低，點知家陣得番四毫六，跌咗六成先買，點知都要輸一半，炒股不止蝕，不認錯仲要逃避，大忌！
魏力
http://www.facebook.com/2012jason
魏力
異動空間 - 魏力 舊文
