【文亮言】明日復，明日復，明日可其多（湯文亮）
我小時候讀書很懶，又唔做功課，家母叫我做功課，我一定會話明日做，家母都冇我辦法，唯有嘆一句，明日復明日，明日何其多。今日，那些在上個星期，當A股大跌倉猝停牌的國內上市公司，現在都非常心急復牌，主席會不斷問財務總監幾時可以復牌，我聽聞最例牌答
案就是明日復，明日復，主席心想，明日復明日，明日何其多。
上星期在股市大跌時，有1,500間國內上市公司申請停牌，超過總數一半，在總理暴力救市後，只有60間國內上市公司可以成功復牌，今日傳有335間申請，但唔知道有幾多可以復牌，話曬A股市場唔係「冇掩雞籠」，話停牌就停牌，話復牌就復，咁樣做，中國政監處豈不是很冇面。所以，我估計已停牌公司唔係咁容易可以復牌，到最後，有1,000間停牌公司可以復牌就已經唔錯，如果全部可以復牌，這表示中國政監處已經冇用，今次一定要搵一些停牌上市公司祭旗，永遠唔可以復牌。
那些停牌公司其實玩一個非常危險遊戲，停牌容易復牌難，今次俾總理捉到雞，想復牌都要大費週章，其實，總理都唔想暴力救市，但若果任由股市下跌，那些停牌上市公司反而變成良心企業，公司領導就是英雄，不過，在總理眼中，那些都是未臨陣就已經退縮逃兵，如果唔將他們以軍法治理，在公司股民面前就變成英雄，所以，停牌公司要復牌就會很困難。
投資股票的人對於停牌公司亦心痛欲絕，無端端停牌令到他們想賣那些股票套現都唔得，迫於無奈要賣優質A股或者H股，如今中港兩地股價回升，他們已經損失不菲，如果不能復牌，就變成損失慘重，股票投資者以後對那些曾經停牌的上市公司都會敬而遠之，那些公司最終都會是受害者，唔知道那些公司負責人有沒有後悔停牌。
文亮言 - 湯文亮 舊文
