女神tea time：再博港A股熱炒
■中國式救市，是出動公安阻嚇各路人馬沽貨。 美聯社
希臘世界級走數，發窮惡後又畀佢過到關；中國式救市，用有形之手，出動公安阻嚇各路人馬沽貨。
呢啲近來經常loop嘅新聞，超現實到不能想像。即係咁，中國股市有難，官方話係外資惡意沽空
，中國建築（3311）承包建築嘅啟晴邨，食水驗出含鉛量超標，政府淡化中國建築一間市值526億元上市公司嘅責任，將成個屋邨鉛量超標嘅鑊，完整咁卸畀一個普通水喉匠。
大市稍為穩定落嚟，部份二、三線股見到買盤承接。曾經熱炒嘅港A股概念股，於最近呢一輪跌浪中，好多都自高位跌五、六成落嚟，情況慘烈。好似天下圖（402）咁，自高位最多狂跌68%，比網龍（777）高位回調57%、中軟回調53%都要多。
以目前內地救市嘅策略來講，都係讓領導先走。天下圖貴為央企子公司，同時公司地圖被中國軍方採用，具軍工概念，本身亦具航空數據，街景和三維地圖方面數據更係壟斷市場。公司與阿里巴巴收購的地圖公司高德，以及騰訊（700）收購的地圖公司四維圖新，均有業務合作關係。至於後者，更係由中國衛星通信以及航天科技兩大央企重組合併而來，所以天下圖與後者合作空間龐大，值得憧憬佢股價繼續收復失地。
Fifi
http://www.facebook.com/lovefrystock
本欄逢周二、四刊出
Fifi
女神tea time - Fifi 舊文
