魚樂無窮：一隻蓄勢待發半新股
■雲南水務今年5月上市。圖右為集團主席許雷。 資料圖片
相信唔少戰友都會遇到以下情況︰買乜跌乜，沽乜升乜，換馬後舊愛升新貴跌，總之就係頭頭碰著黑，同一市況下，戰友們卻如魚得水，心靈及荷包齊受傷，可謂雙重打擊。
可以點做？換一換場景，假設喺賭場買大開細、買
細開大，除咗忍手之外，仲可以搵個旺人跟住買，吸下旺氣。當然，炒股唔同賭錢，不可混為一談，但當信心盡失時，搵高人指路的確可將戰意提升。今期股壇大紅人，非金手指惠理基金莫屬，如果買入價可以平過佢，你話係咪爽YY？今日推介嘅半新股雲南水務（6839），一次過滿足曬你兩個願望！
雲南水務今年5月上市，招股價5.8元，主要從事汙水處理及供水服務，屬雲南省行業一哥，難怪惠理基金作為基礎投資者，上市後仲要真金白銀增持，作價介乎6.26至7.12元，較昨收市價5.27元高出19%至35%，現價入場有幾著數，不用多解釋。經過一輪回調後，雲南水務預測市盈率降至16.9倍，較同業光國（257）、中滔環保（1363）及北控水務（371）平均24倍，折讓三成，收窄憧憬無限大。
雲南水務上市時，正值新股大熱，最終超購353倍，一場股災，股價跌落水底，卻將散戶震走，洗牌後強者揸莊，要舞上更加得心應手，用招股價做目標，都有一成水位，仲有排未到惠理增持價。
唐牛
https://www.facebook.com/tongcow88
唐牛
魚樂無窮 - 唐牛 舊文
