異動空間：8月最驚喜之選
戰友們請留意一個數字，上周五滬深兩市成交1.59萬億人仔，創股災後最大成交，散水格！官方話4500以下唔准減持，形成共識政策頂，炒反彈者4200點已先走為敬，估計沽到3800附近阿爺又要高呼暴力救市，但第二次都仲係暴力，氣勢似乎差一點，不如來個核武救市！反正
A股信心已失，阿爺坐莊仲難炒過8078，不如丟個核彈，一切重新出發……我都係諗嚇啫，阿爺無所不能㗎嘛，係咪？
美國似乎9月堅加息，道指大圓頂向下；大陸又自顧不暇，莊家三周前才在港撳錢番去填數，會否咁快再返來？兩邊都冇水之下，港股短期應是陰乾向下格局，呢轉會否失守股災低位22836暫時未知，但話明陰跌時間一定長，手多者最易犯錯，亂博反彈九成九都坐艇，本金就此消耗性下跌，這個暑假，保本為上。呢個格局，揀股要揀最最最強勢的、手貨收乾曬的，仲要股價創新高的，佢叫博大綠澤（1253）。先有5月綠地入股作後盾，7月再來一拆四進行財技式炒高，9月2日才除淨，隨時是8月最有驚喜的操作，首十家券商持股近93%，股災後越趨歸邊，易升難跌。
魏力
http://www.facebook.com/2012jason
魏力
異動空間 - 魏力 舊文
