魚樂無窮：炒股慳皮三秘技
■出席股東會又食又拎，總算彌補到股價及心靈上嘅損失吧。 資料圖片
大家有留意Business Insider嗎？此乃近年在美國最具影響力嘅商業新聞網站，內容涵蓋財經、科技、時尚、政治、體育、生活，可謂包羅萬有。我最欣賞嘅，係佢哋包裝新聞嘅方法，第一，字唔多，
唔使一分鐘睇曬整篇報道；第二，愛用point form表達，完美懶人包化，讀者消化話咁易。
好嘢當然要抄足，繼噚日〈學懂三招免陰乾〉後，唐牛今日再嚟〈炒股慳皮三秘技〉，呃click之餘，也希望在陰乾市中，為大家帶來一點點樂趣。
1.Cut報價機。串流版報價機，月費三舊水起錶，一年盛惠3,600蚊，正所謂小數怕長計，既然入市輸多贏少，不如取消服務，雙重慳錢。怕大時代重臨？報價嘅嘢，重新啟動按個掣就得啦。
2.提股票實貨。倉位總有長揸股票，以前會係匯控（005），而家會係內銀股，如果長擺在銀行，除咗存倉費外，派息亦要收手續費，七除八扣後，肯定所剩無幾。拎實物股票，利息支票直接寄到府上，絕無抽水，既方便又快捷。
3.出席股東會。向管理層提問係餐前小食，會後嘅粥粉麵飯美點雙輝才是主菜，高𥧌期可以食足三餐，擸埋紀念品，又食又拎，總算彌補到股價及心靈上嘅損失吧。
唐牛
https://www.facebook.com/tongcow88
唐牛
魚樂無窮 - 唐牛 舊文
