異動空間：
立於不敗靠呢招
市況飄忽能見度低，趁中秋國慶假，魏力也與家人到大馬散心，放鬆一下。本周來個首三季總結，試找出心法，fine-tune操作技巧，令回報提高。
孫子兵法「善攻者，敵不知其所守；善守者，敵不知其所攻」，套用在股票也合適。股票是金錢遊戲，錢多者話事，大戶攻勢千騙萬
化，令對家（包括散戶）唔知點守。近排好淡經常即日通殺，企邊面都輸，皆因散戶處於被動，加埋落場者唔多，大戶好易睇住來食。散戶只能暫時清倉消失，等大戶攻唔到你。
前輩講過賭場天天開，但股票不能每天炒，每年能有三個月旺市就夠了，其餘時間多做只會消耗利潤。今年最好炒係3月中至6月中，呢三個月好多人贏大鑊，用excel炒據稱都贏過千萬，但多少人之後三個月能保住利潤？要鎖定回報，宜時刻記著兩件事：1）股票難令散戶一夕暴富，卻可瞬間傾家蕩產，心態上不能想賺盡，賺錢宜分段食糊。2）賺一筆後宜盡快由股票戶口提走部份，贏10蚊提7蚊，只留少部份利潤加上本金再戰，否則手風順注碼下大了，好易一鋪反艇。股份要留意天能動力（819），大雙頂形成中。
魏力
http://www.facebook.com/2012jason
魏力
異動空間 - 魏力 舊文
