中環迷你裙：港股勝在零距離
■方東昇（右）喺《世界零距離》裏面，搞爛gag之餘又講到嘢畀觀眾聽。 資料圖片
《世界零距離》，以炒股來講，就係一隻低位橫行好耐的股，出現一個好消息，只要高登仔、中環OL和牛頭角師奶一致企喺買那邊，冇人沽貨下，順利炒出一個開！咁當然，節目成
功與否，靈魂人物好重要，昇爺飽讀詩書，轉數高先可以搞爛gag之餘，講到嘢畀你聽。
同理，股市成功與否，內涵好重要，港股買賣自由（尤其相對大陸）吸引到資金嚟搵食。A股仍在整頓，資金在議息會與會之間，來個餐飲餐食餐餐清，要炒中國概念，買賣又唔會落閘的，港股首選。人仔拆倉七七八八，港滙仲係超強，資金湧入港股也是合理想法，另外，近日港股通和滬股通資金淨流入出現背馳。本周音樂椅再度響起，眼見中再保和華融正招股，長建和電能合併未完，有三中全會做壓軸，本月看來仍是安全期，是日推介港A股彩生活（1778）。
中海外（688）分拆的中海物業將於23日上市，具同樣概念，由花樣年（1777）分拆出來的物業管理公司彩生活，具有炒作空間。中期業績不俗，其純利增加25%至7,758萬元人民幣，毛利率為73.9%，上升7.8個百分點，昨日鬼鬼崇崇突破6.5元的橫行區，嗯，有炒味！
Samantha
https://www.facebook.com/stocksamantha
本欄逢周三、五刊出
Samantha
中環迷你裙 - Samantha 舊文
