魚樂無窮：睇NBA學炒股票
■NBA總決賽，騎士戲劇性贏勇士。 資料圖片
NBA總決賽，騎士戲劇性KO勇士，奪得首個NBA冠軍之餘，更是首支能夠在總決賽落後1比3逆轉勝的球隊，氣勢一時無兩。唐牛對NBA認識不多，騎士只識LBJ，勇士就係浪花兄弟，後者更係我今季追看NBA的主要原因。能
夠在三分線外任何位置起手皆中，欣賞嘅除咗係球技，仲有超強嘅藝術成份。
還記得對上一次狂追NBA，已經係波神佐敦領軍嘅公牛王朝年代，當年常規賽72勝10負嘅霸氣紀錄，竟然俾勇士喺今季打破，打82場波，只係輸咗9場，得勝率接近九成。唔知有趣定可悲，勇士季後賽只係打咗24場波，竟同樣輸咗9場，得勝率急降至六成，更因此失掉冠軍指環，咁樣臨尾香，傷盡粉絲心。
炒股日日炒，密食當三番固然高興，但一個浪湧埋嚟，如果坐貨太多，可以輸到底褲都冇埋。NBA今季唔得，可以下季再打過，炒股呢？輸曬本金還可以慢慢搵番，東山再起，如果欠落一身債，有排還之餘，隨時miss咗幾個大浪，感覺比死更難受。戰友們記住，投資乃長途賽，未到最後都唔知邊個嘴角含春，埋單做騎士定勇士，可能只係一念之差。
唐牛
http://www.fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com
