魚樂無窮：靜待破旗高息股
■旭日企業上周終於打破3個月橫行悶局；圖為集團主席楊釗。 資料圖片
古語有雲︰養兵千日用在一時，套用在股票市場，同樣啱使。那怕之前橫行有幾耐幾悶，只要捉中突破一刻，你就可以成為極終贏家，旭日企業（393）正正畀緊機會大家。
不善忘的戰友，都會記得唐牛不止一次
推介旭日企業，上周終於打破3個月橫行悶局。點解會突然發力？我嘗試歸納三個原因。
第一，供股貨食糊。3月曾供股，2供1籌4.6億銀，供股價0.9元，翻查CCASS，當日大手供股嘅券商如信誠及滙豐，持倉已重回供股前水平，可以解讀為供股黨順利食糊，在沽壓大減下，股價自然起動。
第二，本周派成績。周四將公佈中期業績，歷史告訴我們，公司乃傳統高息股，現價息率超過7厘，在全球擁抱高息資產下，旭日企業有資金追捧，其實不值得意外。
第三，深港通開波。呢個又關事？唔好忘記，旭日企業去年底宣佈拓展證券投資，當下大市在高位徘徊，有副跌唔落咁款，大膽假設又托到深港通開車，起碼仲有三個月炒，公司大展拳腳啱曬timing，如此強大催化劑，倘配合股價破旗而上，上升空間難以量化！
唐牛
http://www.fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com
