金手指：
央企點解盲搶港地
■五礦地產用貴價買油塘地皮。 資料圖片
見《趣BLOGBLOG》股榮兄連日出post講李嘉誠近年冇買地去起樓，分析係咪等於繼八十年代「英資退、華資上」後，變今日「華資退、中資上」。特別係啱啱央企子公司五礦地產用貴價買咗油塘地皮。
雖然我舊年初開始不斷話香港因
政治改變，所以你有樓好走，不過近年李嘉誠少買地應該唔係八十年代嗰種改朝換代。而係貫徹始終香港人呢百幾年來嘅DNA，即做轉口港entrepot。亦即係就算做唔到低買、高沽，都唔好高追。
咁大陸人又點解會咁「笨」呢，用1.2元買值1元嘅嘢？佢哋當然唔蠢啦。大陸越來越嚴外滙管制，理由大家明，就係人民幣根本唔值現價。外管來托滙率，即係走得出來嘅人民幣被嗰啲走唔到、被削弱購買力嘅人民幣補貼。其實，人民幣可能1.2元牌價，真只值9毫。而用9毫來港買嘢變換值1元嘅地皮，抵呀！
港資當然要避、港府豬籠入水、港消費者未必要捱貴價（因央企唔怕港幣計蝕賣，只要人民幣喺樓落成後嗰日跌得更多）而接到呢種「人民幣走資」量嘅資產類別，港地產得。不過又點解買地皮呢？因為連啲BSD都可以避埋。
他朝香港出個Boban式運動員，喺運動場上見港人觀眾被打時，出手踢啲喺觀眾席打港人嘅大陸武警。跟住點？克羅地亞當年就脫南斯拉夫，如果香港一樣，五礦呢塊油塘地皮真係終極「支爆」嘅對沖了。
孫柏文
獨立股評人
http://www.fb.com/shuen
本欄逢周二刊出
孫柏文
金手指 - 孫柏文 舊文
來源 source: http://hk.apple.nextmedia.com
