上周失利，降低持倉改用衍生工具博，主要套現的貨源就是香港。好股大幅調整的現象是世界性，但港股最大問題是長遠賣點少，逆轉之後，有機會一沉不起。以汽車股為例，之前的升勢可以看成是靠政策透支了未來，未必可以捲土重來。
港股投資者相對上亦比較玻璃心，不知不覺便患上長揸恐懼症，一味短炒，行為會較
為情緒化，尤其是跌市之中，對於入市位的要求會更醃尖。形成風險比外圍大，潛在回報又會較低。
難再講心唔講金
今次調整由美國總統大選而起，全球面對同一個變數，既然如此，當然是直接賭美股最簡單。假如買港股撞正政府加辣而輸凸，肯定想掟爛電視機。這次已經是繼友邦保險（01299）之後，短時間內再次由政策引爆藍籌股下跌。
中港政府最不重視的就是股民，又怎能夠怪市民有多餘錢，就一味想買磚頭保值。成交低又難炒，留守港股的都是義氣仔女，但又有幾多人可輸多贏少之下，一味講心唔講金。自己今次便決心調低港股的比重，在外圍作戰便算。
豐盛金融資產管理董事 黃國英（作者為註冊持牌人士，基金持有友邦）
Money18更多即時港股指數資訊
上一則
下一則
對沖國度 - 黃國英 舊文
