Can Bank - 散子 2016年11月1日
Can Bank：個個高官都參選？
■高官有意參選特首的傳聞處處，昨日傳出連金管局總裁陳德霖都想參選。 資料圖片
近期政壇新聞都稱得上係精彩，先講即將舉行大選嘅美國，電郵門在正式選擇前唔夠兩個星期突然再度發酵，呢個被「用唔同伺服器」列印電郵惹的禍，令最新民調令民主及共和兩黨候選人支持率拉近。
在亞洲方面，近近地南韓總統樸謹惠亦正處於一場政治危機之中，在任由親信幹預政務後，即使站出來道歉，在餘下一年多些任期亦要面臨被架空。在香港，特首選戰亦如箭在弦。一時之間，好似即將要世界大亂咁款。
近近哋講番香港，最近，在年屆70歲的胡官胡國興宣佈參與之後，突然之間熱鬧起來，先有近期先開口話有意參選嘅葉劉淑儀點名批評，到今日都唔肯表明參唔參選嘅曾俊華「hea」足十年，之後又有特首叫班子內嘅人要一心一意。
昨日又有消息傳出指金管局總裁陳德霖有意參選，突然之間，好似港府所有財金官員都有興趣。先不論消息是真或假，就當陳德霖及曾俊華兩人均會宣佈參選，再預期現任特首梁振英都參選，另一個熱門人選政務司司長林月娥亦都唔執輸，都玩埋一份，香港將迎來史上最龐大特首候選人陣容。
不過，整個特區班子就像出現逃亡潮，突然冇咗幾位高級主要官員工作。雖然政府未至於去到真空狀態，但不禁要問一下，政府仲有咩人做嘢？如果呢個時候來一個98年嘅金融風暴，這些司長走曬去選特首，邊個去打大鱷？
散子
本欄逢周二刊出
散子
Can Bank - 散子 舊文
來源 source: http://hk.apple.nextmedia.com
