智取大市：中國返唔到轉頭
■中國的殭屍經濟、殭屍金融體系問題，根本冇辦法解決。 資料圖片
中國國債價格連日下跌，但喺中央大手逆回購之下，國債價格周二終於識反彈，但都完全幫唔到港股，恒指跌100點左右，其實都仲有近千隻股下跌。
國海證券員工印章造假事件衍生出嚟最大問題，係代持國債嘅交
易方互相不信任，令流動性加劇緊張。國債市場係中國命脈，真係出事就等如整個國家金融系統GG，後果不下於近年中國任何一次金融危機。不過事情往後嘅發展，似乎並冇新意，一個以政治考慮一切利益關係嘅國度，只要中央出嚟維持秩序，各方最後唯有聽聽話話。大家肯遵守中央既定嘅秩序，就自然唔會亂，金融市場會好快回復穩定，一而再、再而三避開真危機。
避得過真危機，唔代表日子會好過，打後發展只會繼續陷入惡性循環，無止境容許金融體系之內產生造假、泡沫，中國假賬、爛賬問題將會越谷越大，內銀條數已經P到完全冇參考價值，就知一切不能返轉頭，殭屍經濟、殭屍金融體系問題，根本冇辦法解決。上述因果關係於最近一年已多次覆述，恕不花口水解釋。
中資股未來已不可能擺脫估值低殘嘅命運，普遍係有反彈冇升幅，但凡係股票都有個價，夠平自然值博。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com
