動地驚天土炮過
資料圖片
罵的可以繼續罵，也應該繼續罵。
但未來。
還是要靠腦袋和雙手。
廣告
幹出來。
與其聲嘶力竭地痛罵地產霸權怎樣殺掉香港的大小老店，倒不如將這等負能量轉化成一份智慧，冷靜想想，怎樣可以大大力地撐著 made in Hong Kong 的品牌、小店。
廣告
徐緣，未
必詭計多端，但肯定鬼計多端。作為壹傳媒橋王，他罵的時候有型，幹的時候更有型，更大力，幹你、幹你、yes baby，出曬汗，唔用套，I mean 頭套。佢做嘢唔需要用頭套笠住自己個樣，要威就唔帶頭盔，這是他的 philosophy，因為他對自己的腦袋有信心。
順便介紹，徐緣的最新「出品」，叫做「土炮」。
嚴選香港優質品牌，向大眾呈現品牌背後的理念和故事，讓更多香港人認識、接觸、幫襯。「掘出本地好薑」，就是「土炮」這個平台的信念。
可惜。
土炮來得太遲。
二月十一日，Barn 2 要結業了，任誰再鬼計多端，也不能改變這個事實。
香港的老店，大吉利事講句，就好像我們的爺爺嫲嫲公公婆婆。平日幾得閒，你都冇諗過搵嚇佢，到真係知道佢哋就嚟唔喺度，先走嚟抱頭痛哭，喊到九彩咁攞住嗰本陳年的深啡色相簿，用眼淚抹去每張照片上的灰塵。
咁當然。
祖父祖母留給我們的，是親情，值得懷緬，也需要懷緬。
Barn 2 盛載著的，是一杯又一杯的啤酒、一縷又一縷的煙圈、一場又一場的愛情。
愛情不應懷緬，卻又 involuntarily 讓我們懷緬。
兩年前，我寫過 Barn 2。「要用兩個字形容蒲Barn 2的學生，好簡單，墮落。純粹講嚇粗口，已經算係最乖嗰啲；有啲再曳嘅，會好自豪咁攬住女朋友瘋狂濕吻；最曳嗰啲，直情校呔都費事除就攞包萬寶路擺喺枱面。」
想當年，我就是其中一個墮落天使。
那些年的 Barn 2，格局跟今天的不同，有很多張卡位枱。
就在其中一張卡位枱，在最佳損友 Benson 的陪同下，我跟她喝了一晚酒。
兩袖清風，三十蚊一日零用錢，那晚赴約之前，厚著臉皮跟媽媽預支了一個月的糧。
未夠秤學人飲酒，識乜春飲酒，但記得「百份百感覺」的鄭秀文叫鄭伊健喝掉一瓶 Jack Daniels ，所以就懶有品味的叫了一杯的 Jack Daniels on rocks。
Benson 說他也要一杯。
Kate 叫的那杯，至今仍然記得，叫做 Tequila Sunrise 。
我在點唱機點了一首「動地驚天愛戀過」。
微弱的前奏響起，我便跟 Kate 說，點畀你聽㗎。
「邊有人聽鄭伊健㗎，佢都唔識唱歌。」Kate 皺著眉說。
「咁應該聽邊個呢？」我問。
Benson 吃一口花生說：「許志安嗰啲 feel 啱啲喎。」
我對 Benson 笑一笑，好想攞個 log 杯中 9 佢。損友永遠不是做 wingman 的材料。
「許志安正呀！」Kate 滿臉興奮。
喝完酒，我話送佢返屋企，佢懶 casual 咁講咗句「是但啦」。銅鑼灣的小巴站人龍裏，她雙手插著外套袋，不知是故意還是大意，口裏哼著的不是「許志安嗰啲」，而是動地驚天的旋律。
後來，我們在一起了，確是這麼相戀過，這麼驚天過，無論是坐在小巴內一人一隻耳筒聽著的、加州紅開間房指定要唱的、還是上佢屋企「溫書」在唱機內播著的，都是這麼動地驚天愛戀過。
一年前，她結婚了。
當然冇請我。
「嘩，嗰晚就精彩囉。」婚禮後的一星期，Benson 對我說。
「你又知？」
「你犯眾憎啫，我同佢啲 friend 仲好熟喎。」Benson 拿著電話說。「有片睇，一分鐘五舊，睇唔睇？」
五萬都睇。
Kate 的另一半要在台上高歌一曲，表演前說了這樣的話：「講個秘密畀你哋聽，Kate 每個禮拜都會沖一次泡泡浴。」台下嘩聲四起，癡膠花，泡你魯帽。
「唔使嘩喇，佢一個人沖啫，我冇份。」台下噓聲四起，我暗地歡喜。
「不過 Kate 每次沖泡泡浴，我都會坐喺浴室出面，聽佢唱歌；佢每次都會唱同一隻歌，我諗佢真係好鍾意呢首歌，所以我今晚諗住唱一次畀佢聽。」
微弱的前奏響起，餘下的，應該不需要說得太白。
多謝你在很多個晚上，最赤裸裸的時候，也回味著這段已經逝去的青春。
蘭桂坊的大場，豈會是 Barn 2 能夠高攀得起？
但蘭桂坊識嗰啲，中出之後，你可能都唔想對多佢一分鐘。
Barn 2 識嗰啲，完事之後會仍然抱著，完結之後會仍然記著。
土炮的情懷，不是炮友所能理解的。
來源 source: http://thestandnews.com
生活 - 葉朗程 舊文
