市底一定是偏好，唯一顧忌是個別重磅藍籌失足，拖低指數，繼而引發衍生工具的拆倉活動，出現短期死亡漩渦。順應潮流，指數產品已經不再是自己出擊主力，萬一不幸恒指跌，只是關乎自己作為評論員的面子問題，小事而已，真正重點是要揀中股票。
內地人唔吼蚊型股
炒股票的風氣應該會持續並且擴散，但不少人看
來是學壞師，專揀幾億市值的股份，以為殼價有保障，細細粒容易食。但明顯真正當旺的，是幾十億甚至幾百億元市值的公司。 幾億元的蚊型股，要炒幾十倍才可以創造出幾百億的紙上富貴，內地人揸莊的話，實在睇不上眼，而且內地市場的確大，如果故事說得通的話，的確是可以值幾百億元也不算泡沫。
托港股通洪福，炒到最勁的是美圖公司（01357）及周黑鴨（01458），升得又快又勁段段有，和香港蚊型股閃閃縮縮的走勢形成強烈對比。
最大好處是故事擺到明，係人都知願者上釣，不似蚊型股要作無謂陰謀論去包裝，只得幾億市值，其實也說明了無故事好講。
其實圍住一些中資舊經濟板塊炒復甦，再加這些深港通新貴炒資金流，已經十分足夠。細過20億元的股票，已經上不了枱，無謂花心機去和那些小型莊家心理戰，多數只會落得一肚子氣。
豐盛金融資產管理董事 黃國英（作者為註冊持牌人士，基金持有美圖）
Money18更多即時港股指數資訊
上一則
下一則
對沖國度 - 黃國英 舊文
