智取大市：
睇實終極落後股
■近期喺港股取分難度增加。 資料圖片
近期喺港股取分難度增加，所謂贏谷輸縮，目前持倉點都比炒作高峯期減少。持有較硬淨嘅強勢股，係攻守兼備嘅方式，此外亦要留意自己出入市嘅準繩度，及時知道手風轉差，就能減少往後不必要虧損。搵食難度增加，入市位、沽貨位更大機會定
得比之前差，因為個股無限前震倉、假突破，高買低沽變尋常事。
要及時辨別自己準繩度減低嘅方法，係觀察最近兩至三次入市，如果連續兩次一買入好快就捱價、甚至要止蝕，就要審視揀股、入市手法。之後畀多一次機會，改變揀股、入市方法後嘅第三次入市都唔work？無論係手風唔順或市況逆轉，都要同自己講stop，直至見到「首本路程」，即係自己強項時段出現時先再入市。面對呢個年代股票咁chok，以上做法可謂止蝕法。
除濠賭股外，通脹概念嘅消費股成強勢板塊，康師傅（322）業績遜預期都升，聯華（980）同金鷹（3308）亦升到雙底頸線位。業績衰、股價升係好預兆，但沽壓積壓太耐，要有準備股價會幾chok，同埋提防只是炒落後，未確長線轉強，最好等股價破頸線再守穩先逐步吸納。搵唔到好消息、人人嫌棄但股價升，反而值得mon實。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com
